کیا بحری جہاز پر حملہ ایران نے کیا؟ اسرائیل نے تحقیقات شروع کردیں
تل ابیب(ڈیلی پاکستان آن لائن )اسرائیلی وزارت دفاع کے ذمے داران نے کل ہفتے کے روز بحرِ ہند میں اسرائیلی بحری جہاز کو نشانہ بنائے جانے کی کارروائی میں تہران کے ملوث ہونے کا اشارہ دیا ہے۔اسرائیلی چینل 12 کے مطابق عسکری ذمے داران نے بتایا ہے کہ وہ اس بات کی تصدیق کی کوشش کر رہے ہیں کہ آیا بحر ہند میں اسرائیلی کارگو جہاز کو ایرانی فورسز نے نشانہ بنایا۔اسرائیلی وزارت دفاع کے ذرائع نے واضح کیا کہ اس واقعے میں جہاز کے عملے کو کوئی ضرر نہیں پہنچا اور نہ بحری جہاز کو کوئی بڑا نقصان ہوا۔
