"میرا پیار کرن نوں جی کردا" ہانیہ عامر نے انگریزی میں یہ بات کہی تو پاکستانیوں نے آگے سے ایسا جواب دے دیا کہ ہنسی نہ رکے
کراچی (ڈیلی پاکستان آن لائن) پاکستانی اداکارہ ہانیہ عامر نے انسٹاگرام پر ایک پوسٹ کی ہے جس کے کمنٹس سیکشن میں پاکستانیوں کی جانب سے ایسی ایسی باتیں سنادی گئیں کہ ہنسی نہ رکے۔
ہانیہ عامر نے اپنی ایک تصویر شیئر کی جس کے بیک گراؤنڈ میں انگریزی زبان میں اِن دی موڈ فار لو (اردو: میرا پیار کرنے کا من ہے۔۔۔۔ پنجابی: میرا پیار کرن نوں جی کردا) لکھا ہوا ہے۔ اداکارہ کی جانب سے تصویر شیئر ہوتے ہی کمنٹس سیکشن میں مزاح سے بھرپور تبصروں کا طوفان آگیا۔
View this post on Instagram
ایک صارف نے ہانیہ عامر کو "قصائی" قرار دیتے ہوئے کہا " کیا فائدہ، پھر کٹ جائے گا کسی کا۔"
ایک شخص نے ہانیہ عامر کے لو کے موڈ میں ہونے پر کہا " پھر کسی کا کٹنے جا رہا ہے۔"
علی بلوچ نے اداکارہ کو مہنگی ڈرامہ کوئین قرار دے دیا۔
زین بھٹی کا کہنا تھا کہ ہانیہ عامر دراصل کچھ دلوں کے ساتھ کھیلنے کے موڈ میں ہیں۔
خیال رہے کہ ہانیہ عامر اور گلوکار عاصم اظہر طویل عرصے تک ریلیشن شپ میں تھے جو گزشتہ سال ختم ہوگیا تھا۔ گزشتہ دنوں اسی ریلیشن شپ کے حوالے سے اس پرانی جوڑی میں سوشل میڈیا پر ایک "جنگ" بھی ہوئی تھی۔
