ہمارے نظام شمسی کے ایسے دو سیارے جن پر ہیروں کی بارش ہوتی ہے

 ہمارے نظام شمسی کے ایسے دو سیارے جن پر ہیروں کی بارش ہوتی ہے
 ہمارے نظام شمسی کے ایسے دو سیارے جن پر ہیروں کی بارش ہوتی ہے
سورس: NASA

  

 نیویارک(مانیٹرنگ ڈیسک) ہیرہ روئے ارضی کی قیمتی ترین دھات ہے لیکن قدرت کی کاریگری دیکھیے کہ ہمارے نظام شمسی کے دو سیارے ایسے ہیں جن پر ہیروں کی بارش ہوتی ہے۔ انڈیا ٹوڈے کے مطابق یہ دو سیارے مشتری اور زحل ہیں۔ امریکی سائنسدانوں کا کہنا ہے کہ ان سیاروں پر بجلی کرکٹنے سے میتھین گیس کاربن میں بدل جاتی ہے اور یہ کاربن سیارے کی سطح کی طرف گرنا شروع کر دیتا ہے۔

سائنسدانوں کے مطابق جوں جوں یہ کاربن سیارے کی سطح کے قریب پہنچتا جاتا ہے، سخت کنکروں کی شکل اختیار کر لیتا ہے۔ جب کاربن کے یہ سخت کنکر ان سیاروں کی سطح پر موجود گریفائٹ میں گرتے ہیں تو ہیروں میں تبدیل ہو جاتے ہیں اور بالآخر ایک مائع سمندر میں گھل جاتے ہیں۔

یونیورسٹی آف وسکانسن میڈیسن کے ڈاکٹرکیوین بینز کا کہنا ہے کہ زحل اور مشتری پر برسنے والے ان ہیروں کا قطر تقریباً ایک سینٹی میٹر کے لگ بھگ ہوتا ہے جو ایک انگوٹھی میں جڑے جانے والے نگینے کے برابر ہوتا ہے۔ انہوں نے بتایا کہ ان دونوں سیاروں پر سالانہ 1ہزار ٹن سے زائد ہیرے اس پراسیس کے ساتھ پیدا ہو رہے ہیں۔ تاہم ہم میں سے کوئی وہاں جا کر ان ہیروں کا مشاہدہ نہیں کر سکتا کیونکہ ان سیاروں پر ہمارا زندہ رہنا ممکن نہیں ہے۔

مزید :

ڈیلی بائیٹس -سائنس اور ٹیکنالوجی -