وہ وائرس جو گوگل پلے سٹور سے آپ کے فون میں داخل ہو کر ڈیٹا چوری کر لیتا ہے، حکومت نے شہریوں کو متنبہ کردیا

اسلام آباد(مانیٹرنگ ڈیسک) گوگل پلے سٹور پر موجود ایپلی کیشنز کو عام طور پر اینڈرائیڈ فون صارفین محفوظ خیال کرتے ہیں اور بلاسوچے سمجھے انہیں اپنے فونز میں انسٹال کر لیتے ہیں تاہم اب حکومت پاکستان نے گوگل پلے سٹور پر موجود کچھ ایپلی کیشنز کے متعلق شہریوں کو متنبہ کر دیا ہے۔ 
نیوز ویب سائٹ’پروپاکستانی‘ کے مطابق حکومت کی طرف سے بتایا گیا ہے کہ کچھ ایپلی کیشنز ’گولڈوسن‘ (Goldoson) نامی وائرس سے متاثرہ ہیں، جنہیں انسٹال کرنے سے گریز کریں۔ حکومت کی طرف کہا گیا ہے کہ 60کے لگ بھگ ایسی ایپلی کیشنز ہیں جن کے ذریعے’گولڈوسن‘ نامی وائرس گوگل پلے سٹور میں داخل ہوا ہے۔ 
یہ ایپلی کیشنز صارفین کا نجی نوعیت کا ڈیٹا چوری کرنے کے علاوہ فراڈ اشتہارات دکھانے کا کام بھی کرتی رہیں۔ ان ایپس میں موجود گولڈوسن وائرس بھی صارفین کا ڈیٹا چوری کرتا ہے۔حکومت کی طرف سے بتائی گئی ایپلی کیشنز میں سے چند کے نام درج ذیل ہیں:۔
Swipe Brick Breaker
Bounce Brick Breaker
Korea subway Info: Metroid etc
GOM Player
GOM Audio-Music, Sync lyrics
Pikicast
Live Score, Real-Time Score
Compass 9: Smart Compass
Lotte World Magicpass
Infinite Slice
SomNote
L.Point with L.Pay
Money Manager Expense & Budget