اسلام آباد(ڈیلی پاکستان آن لائن)پاکستان تحریک انصاف نے بھی آئندہ عام انتخابات کی تیاریاں شروع کردی ہیں، اسی سلسلے میں پی ٹی آئی کی جانب سے انتخابی نشان کی الاٹمنٹ کیلئے الیکشن کمیشن میں درخواست بھی دائر کردی گئی ہے۔
پی ٹی آئی چیئرمین کی منظوری کے بعد الیکشن کمیشن میں دائر کی گئی درخواست میں استدعا کی گئی کہ تحریک انصاف کو عام انتخابات کے لیے بلے کا نشان دیا جائے۔یاد رہے کہ قانون کے مطابق عام انتخابات سے قبل الیکشن کمیشن میں سیاسی جماعتیں اور امیدوار اپنی پسند کا انتخابی نشان الاٹ کروانے کیلئے الیکشن کمیشن میں درخواست دائر کرتے ہیں۔