لندن (مُجتبیٰ علی شاہ)پاکستان تحریک انصاف (پی ٹی آئی) نارتھ آف انگلینڈ کے ایک سابق عہدیدار نے لندن ہائی کورٹ میں جیو اور دی نیوز کے صحافی مرتضیٰ علی شاہ کی جانب سے دائر ہتک عزت کے مقدمے میں عوامی معافی مانگ لی ہے اور £40,000 ادا کرنے پر رضامندی ظاہر کر دی ہے۔ یہ مقدمہ پی ٹی آئی یوکے کے تین سابق عہدیداروں کے خلاف دائر کیا گیا تھا۔
ریاض حسین نے اب کیس سے دستبرداری اختیار کر لی ہے اور مرتضیٰ علی شاہ کے خلاف جھوٹے الزامات سے خود کو الگ کر لیا ہے، جس کے بعد ان کے ساتھی ملزمان محمد عمران (سابق صدر پی ٹی آئی نارتھ ویسٹ ریجن) اور شیناز صدیق (شیناز حسین کے نام سے بھی مشہور، سابق جنرل سیکرٹری پی ٹی آئی نارتھ ویسٹ) مقدمے کا دفاع جاری رکھیں گے۔ عدالت پہلے ہی شیناز حسین/شیناز صدیق کی ملکیت ایک گھر پر چارجنگ آرڈر جاری کر چکی ہے