اثاثہ تضاد کیس،الیکشن کمیشن میں بلاول کیخلاف کیس کی سماعت ملتوی

اثاثہ تضاد کیس،الیکشن کمیشن میں بلاول کیخلاف کیس کی سماعت ملتوی

  

اسلام آباد (این این آئی)الیکشن کمیشن میں بلاول بھٹو زرداری کے اثاثوں میں تضاد سے متعلق کیس کی سماعت 10جون تک ملتوی کر دی گئی۔ بدھ کو الیکشن کمیشن ممبر پنجاب کی سربراہی میں 4 رکنی کمیشن نے کیس کی سماعت کی۔بلاول بھٹو زرداری کے وکلاء نے الیکشن کمیشن میں اثاثہ جات میں تضاد سے متعلق جواب جمع کرادیا۔ الیکشن کمیشن نے کہاکہ جمع کرائے گئے جواب کا جائزہ لیکر فیصلہ کرینگے۔ ممبر الیکشن کمیشن نے کہاکہ پولیٹیکل فنانس ونگ نے بھی معاملے پر ابتدائی رپورٹ جمع کرائی ہے،پولیٹیکل فنانس ونگ سے تفصیلی رپورٹ مانگی ہے۔آئندہ سماعت پر تفصیلی رپورٹ کا جائزہ لیں گے۔ بعد ازاں الیکشن کمیشن نے کیس کی سماعت 10 جون تک ملتوی کردی۔ یاد رہے کہ بلاول بھٹو زرداری کو اثاثہ جات میں تضاد پر نوٹس کیا گیا تھا،بلاول بھٹو زرداری نے وکلاء کے ذریعے جواب جمع کرایا۔

سماعت ملتوی

مزید :

علاقائی -