سندھ حکومت مسخروں کے ہتھے چڑھ گئی ، حلیم عادل شیخ
کراچی(ڈیلی پاکستان آن لائن ) اپوزیشن لیڈر سندھ اسمبلی حلیم عادل شیخ نے سندھ حکومت پر تنقید کرتے ہوئے کہا ہے کہ سندھ حکومت مسخروں کے ہتھے چڑھ گئی ہے،کبھی شاہی خاندان تو کبھی درباری نادر شاہی فرمان سادر کردیتے ہیں ۔
تفصیلات کے مطابق سماجی رابطے کی ویب سائٹ ٹوئٹر پر پیغام جاری کرتے ہوئے حلیم عادل شیخ کا کہنا تھا کہ صوبہ سندھ میں ملکہ صحت تاجروں کو دھمکانے کے لیے ظاہر ہوگئی ہیں مگر کورونا میں کہیں نظر نہیں آئیں۔
انہوں نے کہا کہ پبلک پرائیویٹ پارٹنرشپ کے علمبرداروں نے صوبے کی عوام کی زندگی اجیرن کردی ہے۔
سندھ حکومت مسخروں کے ہتھے چڑھ گئی ہے کبھی شاہی خاندان تو کبھی درباری نادر شاہی فرمان سادر کردیتے ہیں ملکہ صحت تاجروں کو دہمکانے کے لیے ظاہر ہوگئی مگر کورونا میں کہیں نظر نہیں آئیں پبلک پرائیویٹ پارٹنرشپ کے علمبرداروں نے صوبے کی پبلک کی زندگی اجیرن کردی ہے.
— Haleem Adil Sheikh (@HaleemAdil) June 4, 2021
1/2
ایک اور پیغام میں ان کا کہنا تھا کہ پاکستان پیپلز پارٹی کی سیاست کی بنیاد کمیشن اور کرپشن ہے اور سندھ حکومت تحریک انصاف کی مقبولیت سے فرسٹریشن میں مبتلا ہے۔
ان کا کہنا تھا کہ سندھ حکومت وفاقی حکومت کے ٹیکس کلیکشن کی ضد میں بھتہ کلیکشن پر زور دے رہی ہے ۔
وفاقی حکومت کے ٹیکس کلیکشن کی ضد میں سندھ حکومت بھتہ کلیکشن پر زور دے رہی ہے پی پی کی سیاست کی بنیاد کمیشن اور کرپشن ہے سندھ حکومت تحریک انصاف کی مقبولیت سے فرسٹریشن میں مبتلاء ہے.
— Haleem Adil Sheikh (@HaleemAdil) June 4, 2021
2/2
