ستاروں کی روشنی میں آپ کا آج (ہفتہ) کادن کیسا رہے گا؟

برج حمل ، سیارہ مریخ، 21 مارچ سے 20 اپریل
کوئی حل نہیں ہے۔ آپ کی مشکل کا۔ جب تک سچے دل سے خود توبہ نہیں کریں گے۔ اس وقت آپ کا زائچہ ٹھیک ہے۔ ذاتی کسی غلطی کی وجہ سے پریشانیاں محسوس کی جا رہی ہیں اور کچھ نہیں۔

برج ثور، سیارہ زہرہ، 21 اپریل سے 20 مئی
جو لوگ کافی دنوں سے بیماری یا بندش کو محسوس کر رہے تھے۔ وہ ان شاءاللہ اب اس سے نکلنا شروع ہو جائیں گے اور جس شخص نے تنگ کیا ہوا تھا وہ بھی اب بھاگ جائے گا۔

برج جوزہ، سیارہ عطارد، 21 مئی سے 20 جون
آپ کے لئے آج ایک اہم اور اچھا دن ہے۔ آپ کو اپنے مقاصد میں بہتری کی خبریں ملنا شروع ہو جائیں گی اور جس بھی طرف سے نقصانات ہو رہے تھے۔ وہ سلسلہ بند ہو جائے گا۔

برج سرطان، سیارہ چاند، 21 جون سے 20 جولائی
جو لوگ مسلسل پریشانیوں میں مبتلا چلے آ رہے تھے۔ آج زحل اور عقرب کے ذائچے سے نکلنے کے بعد وہ اس سے آزاد ہو جائیں گے ۔ شام سے ہی آسانیاں ملنا شروع ہو سکتی ہیں۔ خیال یہ ہے۔

برج اسد، سیارہ شمس، 21 جولائی سے 21 اگست
آپ کا ایک اہم سلسلہ جو کبھی رک گیا تھا وہ اب چل پڑے گا۔ اس وقت مشکل فیصلے اگر کر لئے تو آگے چل کر آپ کو زندگی گزارنے میں ان شاءاللہ آسان ہو جائے گی، غور کریں۔

برج سنبلہ ، سیارہ عطارد، 22 اگست سے 22 ستمبر
ایک اہم ضرورت پوری ہونے کے علاوہ آنے والے دنوں کے بارے میں بھی اچھی خبریں ملیں گی اور سب سے بڑی بات کے راستے کی ایک بڑی رکاوٹ کسی وقت بھی آپ دور ہو سکتی ہے۔

برج میزان ، سیارہ زہرہ، 23 ستمبر سے 22 اکتوبر
حالات خراب نہیں ہیں۔ آپ کا دل کسی بات میں نہیں لگ رہا۔ اس وقت آپ کو صرف اپنے اللہ کی طرف رجوع کرنا چاہیے اور جس قدر بھی مشکل میں کیوں نہ ہوں اس سے نکل پائیں گے۔

برج عقرب ، سیارہ مریخ، 23 اکتوبر سے 22 نومبر
اپنے حالات ٹھیک کرنے کی خود کوشش کریں گے تو اللہ بھی مدد فرمائیں گے۔ اس وقت تو ایک جگہ جیسے بلاک ہو کر رہ گئے ہیں اور ہر کام میں تقریباً ناکامی سی ہو رہی ہے۔

برج قوس ، سیارہ مشتری، 23 نومبر سے 20 دسمبر
کیوں دوسروں کی باتوں میں غلط راستے کا انتخاب کر رہے ہیں۔ اللہ پاک کی طرف رجوع کریں ہو سکے تو استخارے کی مدد لیں تاکہ اصل منزل کا تعین ہو سکے۔ جلد بازی میں قدم نہ اٹھائیں۔

برج جدی ، سیارہ زحل، 21 دسمبر سے 19 جنوری
جو لوگ کسی قسم کی الجھن کو محسوس کر رہے ہیں وہ ان شاءاللہ اب اس سے نکلنے میں کامیاب ہوں گے۔ آج اچھا دن ہے۔ آپ کے لئے کوئی نہ کوئی اچھی خبر بھی لے کر نومدار ہوا ہے، فکر مند نہ ہوں۔

برج دلو ، سیارہ زحل، 20 جنوری سے 18 فروری
اپنے دل کو قابو میں رکھیں۔ یہ کیوں بے قابو ہو رہا ہے۔ اب تو یہ جائز ناجائز کا فرق بھی بھول گیا ہے۔ توبہ کرکے واپس اپنی روزمرہ کی زندگی میں آ جائیں۔ جس قدر جلد ممکن ہو۔

برج حوت ، سیارہ مشتری، 19 فروری سے 20 مارچ
جو لوگ کسی دوسرے کی مشکل اپنے سر لینے کی کوشش میں ہیں۔ وہ ابھی فوری قدم واپس لے آئیں۔ مطلب کے لئی آپ کو استعمال کیا جا رہا ہے جو کہ نہایت زیادتی ہے۔ آج کل صرف گھر میں زیادہ وقت گزاریں۔