تپتی دھوپ، محکمہ موسمیات نے بارش کی نویدسنا دی

لاہور(ڈیلی پاکستان آن لائن)محکمہ موسمیات نے درجہ حرارت میں اضافہ کے باوجود بیشتر علاقوں میں بارش کی نوید سنا دی۔
نجی ٹی وی چینل سما نیوز کے مطابق محکمہ موسمیات کاکہناہے کہ پنجاب کے بیشتر علاقوں میں موسم گرم اور خشک رہے گاتاہم میدانی علاقوں میں گردآلود ہوائیں چلنے کاامکان ہے۔رپورٹ کے مطابق ڈی جی خان، راجن پور، لیہ، ملتان اور بہاولپور میں تیز ہواﺅں کیساتھ بارش کاامکان ہے،رحیم یار خان اور صادق آباد میں بھی تیز ہواﺅں کے ساتھ بارش متوقع ہے، ادھر کشمیر ،گلگت بلتستان اورملحقہ پہاڑی علاقوں میں بادل برس سکتے ہیں۔
رپورٹ کے مطابق اسلام آباد میں زیادہ سے زیادہ درجہ حرارت33 ڈگری سینٹی گریڈتک جانے کاامکان ہے،لاہور اور کراچی 36 جبکہ پشاور میں درجہ حرارت35 ڈگری سینٹی گریڈ تک جانے کاامکان ہے،اسی طرح کوئٹہ 34 ، فیصل آباد35 اور ملتان میں پارہ 34 ڈگری سنٹی گریڈتک جا سکتا ہے ،سب سے زیادہ درجہ حرارت تربت اور مٹھی میں 44 ڈگری تک جانے کاامکان ہے۔