آصف زرداری کا لاہور میں بڑا عوامی جلسہ کرنے کا فیصلہ
لاہور (ڈیلی پاکستان آن لائن) پیپلزپارٹی کے شریک چیئرمین آصف زرداری نے لاہور میں بڑا جلسہ کرنے کا فیصلہ کر لیا۔
نجی ٹی وی دنیا نیوز کے مطابق پنجاب کی سیاست کے مرکز لاہور میں پیپلز پارٹی بڑا عوامی جلسہ کرنے کا ارادہ رکھتی ہے، پارٹی کے ضلعی صدر اسلم گل شہر کے مختلف علاقوں کے دورے کر رہے ہیں۔ پی پی رہنما کا کہنا ہے کہ جلسے کی تاریخ کا اعلان جلد کیا جائے گا۔
دوسری جانب سابق صدر آصف علی زرداری کی لاہور میں متحرک سیاست جاری ہے اور پارٹی میں مزید سیاسی رہنماؤں کی آمد کا سلسلہ بھی نہیں رکا۔ گوجرانوالہ سے چودھری علی اشرف وڑائچ نے آصف زرداری سے ملاقات کی اور پیپلزپارٹی میں شمولیت کا اعلان کیا۔
حافظ آباد جلال پور بھٹیاں سے چودھری انصر نے آصف زرداری سے ملاقات کی اور پیپلزپارٹی میں شمولیت کااعلان کیا، گوجرانوالہ سے چودھری حارث میراں نے سابق صدر سے ملاقات کی اورپیپلزپارٹی میں شمولیت کااعلان کیا، سابق صدر آصف زرداری نے سیاسی رہنماﺅں کو پیپلزپارٹی میں شمولیت پر خوش آمدید کہا۔
