روز ویلٹ ہوٹل کے بکنے کی کہانیاں ختم ہو گئیں،نیویارک کی سٹی ایڈمنسٹریشن کو 3 سال کیلئے لیز پر دےدیا،سعد رفیق
لاہور(ڈیلی پاکستان آن لائن)وزیر ریلوے اور ایوی ایشن خواجہ سعدرفیق نے کہاکہ روز ویلٹ ہوٹل کے بکنے کی کہانیاں ختم ہو گئیں، روزویلٹ ہوٹل نیویارک کی سٹی ایڈمنسٹریشن کو 3 سال کیلئے لیز پر دےدیا،معاہدے کے تحت ہوٹل ملازمین کو فارغ کیا جائے گا،77 رہ جائیں گے۔
لاہور میں پریس کانفرنس کرتے ہوئے خواجہ سعد رفیق نے کہاکہ ہوٹل کی عمر100 سال سے زائد ہو گئی ہے،سخت پریشان تھے کیونکہ روز ویلٹ ہوٹل کی لینڈ مارکنگ کاخطرہ تھا، اب یہ ہوٹل لینڈمارکنگ کے خطرے سے بچ گیاہے،ان کاکہناتھا کہ روز ویلٹ ہوٹل کو لیز پر دینے سے پاکستان کے خزانے میں پیسے آنے لگے ہیں، قیمتی ترین اثاثہ محفوظ کرکے کمائی والی جگہ بنا دی گئی،روز ویلٹ ہوٹل کی لیز کے معاہدے سے 220 ملین ڈالر کی آمدنی ہوگی۔
وزیرہوا بازی نے کہاکہ پی آئی اے کی حالت بدلنی پڑے گی،دنیا کے بیشتر ایئرپورٹس آﺅٹ سورس ہیں،پاکستان میں آﺅٹ سورسنگ کا تجربہ کسی کو نہیں، پرائیویٹ سیکٹر کو بیچ میں لانا پڑے گا،
ان کاکہناتھا کہ سکھر ایئرپورٹ انٹرنیشنل ایئرپورٹ بنے گا،ڈی آئی خان کا پرانا ایئرپورٹ رہے گا،وہاں نیا انٹرنیشنل ایئرپورٹ بنے گا، وزیر ہوابازی نے کہاکہ لاہور کے رن وے کی اپ گریڈیشن مکمل ہو چکی ہے،سب سے پہلے اسلام آباد ہوٹل کی آﺅٹ سورسنگ کی جائے گی، کراچی، لاہور اور اسلام آباد ایئرپورٹ کی آﺅٹ سورسنگ کی جائے گی ،تینوں ایئرپورٹس کی آﺅٹ سورسنگ کیلئے آئی ایف سی سے معاہدہ ہوا ہے،ان کاکہناتھا کہ پی آئی اے میں کوئی بے روزگار نہیں ہوگا۔
