سنگاپور میں دنیا کی 12 طاقتور ترین انٹیلی جنس ایجنسیوں کے سربراہان کا خفیہ اجلاس
سنگاپور(ڈیلی پاکستان آن لائن) سنگا پور میں دنیا کی طاقتور ور ترین انٹیلی جنس ایجنسیوں کا اجلاس ہوا، جس میں امریکا، چین اور بھارتی سمیت دنیا کی 12 ایجنسیوں کے سربراہان نے شرکت کی۔
برطانوی میڈیا کے مطابق گزشتہ چند برسوں سے شنگھریلا ڈائیلاگ سکیورٹی سمٹ کے موقع پر پوری رازداری کے ساتھ نامعلوم مقام پر خفیہ اداروں کے سرابراہان کااجلاس بلایا جاتا ہے، رواں سال امریکا کی نمائندگی نیشنل انٹیلیجنس الائنس کے ڈائریکٹر اورل ہینز اور بھارتی ایجنسی را کی نمائندگی سمانت گوئل نے کی جبکہ چین کے خفیہ ادارے کا نمائندہ بھی اجلاس میں شریک ہوا، یہ اجلاس ’عالمی شیڈو ایجنڈہ‘ کے حوالے سے انتہائی اہمیت کا حامل تھا، کیونکہ یہ کوئی کاروباری نوعیت کا اجلاس نہیں بلکہ سنجیدہ معاملات کو گہرائی سے سمجھنے کیلئے بلایا جاتا ہے
ذرائع کا کہنا تھا کہ سنگاپور میں ہونے والے 12 ممالک کی خفیہ ایجنسیوں کے سربراہان کے اجلاس میں روس کے کسی نمائندے نے شرکت نہیں کی جبکہ روسی ڈپٹی وزیر دفاع ولودومیر ہاوریلوف کا کہنا تھا کہ وہ شنگھریلا ڈائیلاگ میں موجود تھے تاہم اس اجلاس میں شامل نہیں تھے۔
دوسری جانب سنگاپور میں امریکی سفارت خانے نے خفیہ ایجنسیوں کے اجلاس میں امریکی نمائندے کی شرکت سے لاعلمی ظاہر کردی جبکہ چین اور بھارت کی جانب سے اس پر کوئی جواب نہیں دیا گیا۔
