اے آئی کی وجہ سے ایک مہینے میں اتنے لوگ نوکریوں سے نکال دیئے گئے کہ نئی پریشانی کھڑی ہوگئی
واشنگٹن (ڈیلی پاکستان آن لائن) چیلنجر ، گرے اینڈ کرسمس کی ماہانہ رپورٹ میں انکشاف کیا گیا ہے کہ مصنوعی ذہانت (اے آئی) کی وجہ سے اس سال مئی میں تقریباً 4 ہزار افراد کو نوکریوں سے فارغ کیا گیا۔ فرم نے کہا کہ امریکی کمپنیوں نے کہا کہ مصنوعی ذہانت آنے کی وجہ سے انہوں نے 3900 ملازمین کو فارغ کیا، یہ امریکہ میں نوکریاں گنوانے والے افراد کا 4.9 فیصد بنتا ہے۔
رپورٹ میں بتایا گیا ہے کہ جنوری اور مئی کے درمیان تقریباً 4 لاکھ 17 ہزار ملازمتیں ختم ہوئیں، جو 2020 کے بعد سے1 سال کی بدترین 5 ماہ کی شروعات ہے۔ 2020 میں عالمی وباء کی وجہ سے 14 لاکھ لوگ نوکریوں سے محروم ہوئے تھے۔ 2023 کے آغاز نے 2009 میں ہونے والی8لاکھ 20 ہزار برطرفیوں کے بعد ایک بڑا بحران پیدا کیا ہے۔ رپورٹ میں یہ بھی کہا گیا ہے کہ مئی میں ملازمین کی برطرفی میں سب سے بڑا ہاتھ کاروباروں کا بند ہونا ہے، اس نتیجے میں 19 ہزار 600 لوگ ملازمتوں سے محروم ہوئے۔
سی بی ایس نیوز کے مطابق، چیلنجر، گرے اینڈ کرسمس کی رپورٹ ایک ایسے وقت میں سامنے آئی ہے جب دنیا بھر کے کاروبار تخلیقی کام، جیسے تحریری، انتظامی اور علمی کام سمیت متعدد کاموں کو خودکار بنانے کے لیے جدید اے آئی ٹیکنالوجی کو اپنا رہے ہیں۔
