تاریخ میں پہلی بار ڈیجیٹل ورچوئل کرنسی بٹ کوائن کی قیمت سونے سے بڑھ گئی

بیجنگ (نیٹ نیوز)تاریخ میں پہلی بار ڈیجیٹل ورچوئل کرنسی بٹ کوائن کی قدر سونے سے بڑھ گئی ہے۔جمعرات کے روز بٹ کوائن کی قدر 1268 امریکی ڈالر تھی جبکہ اس کے مقابلے میں ایک اونس سونے کی قیمت 1233 ڈالر رہی۔بٹ کوائن کی قدر میں حالیہ اضافے کی وجہ چین میں اس کی بڑھتی ہوئی طلب ہے، تاہم حکام نے خبردار کیا ہے کہ اس کے ذریعے پیسہ ملک سے باہر لے جایا جا رہا ہے۔رواں سال کے آغاز میں چین نے بٹ کوائن کے ذریعے تجارت کیخلاف کریک ڈاؤن کیا تھا، جس کی وجہ سے بٹ کوائن کی قدر میں کچھ دن کیلئے کمی آئی تھی۔تاہم چین میں جنوری کے آواخر سے اس کی قدر میں اضافہ ہونا شروع ہوا وہ اب بھی جاری ہے ، اس وقت دنیا میں ڈیڑھ کروڑ بٹ کوائن ہیں۔