گگو منڈی میں انسانی شکل سے مشابہ آلو، دیکھنے کیلئے شہریوں کا رش
گگو منڈی (ڈیلی پاکستان آن لائن) گگو منڈی میں انسانی شکل سے مشابہہ آلو کو دیکھنے کے لیے شہریوں کا رش لگ گیا۔مقامی اخبار نوائے وقت کے مطابق گزشتہ روز مقامی زمیندار شیخ مدثر کے رقبہ پر آلو کی فصل کی کھدائی کی جا رہی تھی کہ انسانی شکل کے ایک آلو کو دیکھتے ہی کسان حیران رہ گئے۔کسانوں نے آلو کو اچھی طرح دھو کر جب صاف کیا اور کچھ لوگوں کو دکھا یا تویہ خبر پورے گاﺅں میں پھیل گئی اور لوگوں نے دور دور سے آکر اس آلو کو دیکھا شروع کردیا ۔
