دلچسپ پہیلیاں

دلچسپ پہیلیاں

  



نمبر: ایک

اس کے سامنے جو کوئی آئے

اپنا آپ اس میں پائے

الف: کاغذ

ب: آئینہ

نمبر: دو

ہو اگر بخار کا مارا

کیوں نہ چڑھے پھر اس کا پارہ

الف: ریڈیو میٹر

ب: تھرمامیٹر

نمبر: تین

اس کے ہو تے کچھ نہ کھایا

کھایا جب اس کو نہ پایا

الف: نیند

ب: روزہ

نمبر: چار

یقینا وہ بزدل ہے جس نے کھایا

بہادر وہ ہے جس نے پی کر دکھایا

الف: غصہ

ب: پانی

نمبر: پانچ

آپ آئے وہ بھی آیا

جیسادیکھا ویسا پایا

الف: آئینہ میں عکس

ب: زمین پر سایہ

نمبر: چھ

زمین پر چلنا سدا ہے کام

سر پر پڑے تو وہ بدنام

الف: مٹی

ب: جوتا

نمبر: سات

تن کی پتلی سر کی موٹی

ہلکی پھلکی قد کی چھوٹی

سر پٹخے اور طیش میں آئے

اگلے شعلہ،آگ لگائے

الف: ماچس کی تیلی

ب: موم بتی

نمبر: آٹھ

پردے میں وہ چھپ کر آیا

رخ سے جب پردے کو ہٹایا

منہ سے تو وہ کچھ نہ بولا

لکھی ہوئی ہر بات کو کھولا

الف: کاغذ

ب: خط

نمبر: نو

جس کے پاؤں کے نیچے آئے

کانوں کو وہ ہاتھ لگائے

الف: تسبیح

ب: جائے نماز

نمبر: دس

چھوڑو مت تم اس کا ہاتھ

لے لو اس کو ہاتھوں ہاتھ

چپکے چپکے عرش پہ جائے

تحفے لے کر فرش پر آئے

الف: تحفہ

ب: دعا

نمبر: گیارہ

وہ کیا چیز ہے جو لوگ کھانے کے لئے خریدتے ہیں مگر اسے کھاتے نہیں؟

الف: چمچ

ب: پلیٹ

مزید : ایڈیشن 1