ہسپتالوں میں ڈیڑھ لاکھ سے زائد این 95ماسک تقسیم، این ڈی ایم اے

  ہسپتالوں میں ڈیڑھ لاکھ سے زائد این 95ماسک تقسیم، این ڈی ایم اے

  

اسلام آباد (مانیٹرنگ ڈیسک) این ڈی ایم اے کی جانب سے جاری تفصیلات کے مطابق تمام صوبوں کو بھجوائے گئے حفاظتی سامان میں ایک لاکھ 53 ہزار 565 این 95 ماسک اور 38 لاکھ 91ہزار 588سرجیکل ماسک شامل ہیں۔نیشنل ڈیزاسٹر مینجمنٹ اتھارٹی نے ملک بھر کے ہسپتالوں اور ہیلتھ ورکرز کیلئے تقسیم کیے گئے حفاظتی سامان کی تفصیلات جاری کر دی ہیں۔چاروں صوبوں سمیت اسلام آباد، گلگت بلتستان اور آزاد کشمیر کے ہسپتالوں وہیلتھ ورکرز میں تقسیم کے لیے این ڈی ایم اے نے چار مرحلوں میں حفاظتی سامان ارسال کیا۔این ڈی ایم اے کے ترجمان کے مطابق تمام صوبوں کو بھجوائے گئے حفاظتی سامان میں 1 لاکھ 53 ہزار 565 این۔95 ماسک اور 38 لاکھ 91ہزار 588 فیس ماسک شامل ہیں۔حفاظتی سامان میں 9 لاکھ 55 ہزار 417 حفاظتی سوٹ، 1 لاکھ 44 ہزار 467 گاؤنز، 10 لاکھ 33 ہزار 643 دستانے، 3 لاکھ 46 ہزار 896 سرجیکل کیپس اور 36 ہزار 520 فیس شیلڈ شامل ہیں۔حفاظتی سامان میں 2 لاکھ 11 ہزار 244 شوز کور اور 97 ہزار 982 عینکیں بھی تقسیم کی گئی ہیں۔ترجمان نے مزید کہا کہ حفاظتی سامان کی پانچویں کھیپ اگلے چند روز میں روانہ کر دی جائے گی۔ تمام صوبوں کو ٹیسٹنگ کٹس وافر تعداد میں ارسال کی جا چکی ہیں۔

این ڈی ایم اے

مزید :

صفحہ آخر -