امام الحق نے تینوں فارمیٹ میں کھیلنا ہدف بنالیا

   امام الحق نے تینوں فارمیٹ میں کھیلنا ہدف بنالیا

  

لاہور(سپورٹس رپورٹر)پاکستان کے ٹیسٹ اسکواڈ سے نظر انداز اوپنر امام الحق نے تینوں فارمیٹ میں کھیلنے کو اپنا ہدف بنالیا۔بائیں ہاتھ کے اوپنر ان دنوں پی ایس ایل اور دورہ انگلینڈ کے لیے اپنی فٹنس کو بہتر بنانے کے لیے کوشاں ہیں، وہ مقامی جم میں ٹرینر کے ساتھ کام کرکے فٹنس اور اسٹیمنا کو بڑھانے کے لیے مختلف مشقیں کرنے میں مصروف ہیں۔ جنوبی افریقہ کے خلاف  ون ڈے سیریز کے بعد امام الحق وطن واپس لوٹ ا?ئے تھے، زمبابوے کے خلاف ٹی ٹوئنٹی اور ٹیسٹ اسکواڈ کا انہیں حصہ نہیں بنایاگیا۔

امام الحق اب تک گیارہ ٹیسٹ، 43 ون ڈے اور دو ٹی ٹوئنٹی میچز میں پاکستان کی نمائندگی کرچکے ہیں۔ تاہم دسمبر دوہزار انیس کے بعد وہ ٹیسٹ اور ٹی ٹوئنٹی میچز میں واپسی کے منتظر ہیں امام الحق کا کہنا ہیکہ بطور کرکٹر  تینوں فارمیٹ میں  پاکستان کی کامیابیوں میں کردار ادا کرنے کی خواہش ہے۔

مزید :

کھیل اور کھلاڑی -