دوستانہ ہاکی میچ،سپورٹس بورڈ وویمن ہاکی ٹیم کی جیت

دوستانہ ہاکی میچ،سپورٹس بورڈ وویمن ہاکی ٹیم کی جیت

  

لاہور( سپورٹس رپورٹر)مقبوضہ کشمیر میں بھارتی مظالم کیخلاف کشمیری عوام کے ساتھ اظہار یکجہتی کیلئے ہاکی میچ جمعرات کے روز نیشنل ہاکی سٹیڈیم میں کھیلا گیا، جس میں سپورٹس بورڈ پنجاب کی وویمن ہاکی ٹیم نے رخسانہ ارشد وویمن ہاکی اکیڈمی کی ٹیم کو ایک صفر سے شکست دیدی، سپورٹس بورڈ پنجاب کی جانب سے واحدگول مریم حنیف نے کیا، ڈائریکٹر جنرل سپورٹس پنجاب ذوالفقار احمد گھمن ،آزاد کشمیر قانون ساز اسمبلی کے رکن سحرش قمر ملک میچ کے مہمان خصوصی تھے، تقریب سے خطاب کرتے ہوئے ڈی جی سپورٹس پنجاب ذوالفقار احمد گھمن نے کہا کہ مقبوضہ کشمیر کے عوام بھارت کیخلاف اپنی آزادی کی جنگ لڑ رہے ہیں، بھارتی فوج کے مظالم پر عالمی برادری کی خاموشی سوالیہ نشان ہے، کشمیری عوام کو اقوام متحدہ کی قرار داد کے مطابق حق خود ارادیت دیا جائے.

، انہوں نے کہا کہ سپورٹس بورڈ پنجاب ہاکی کے فروغ کیلئے بھرپور اقدامات کررہا ہے، سپورٹس بورڈ پنجاب کی ہاکی اکیڈمی میں نوجوان کھلاڑیوں کو بہترین تربیت دی جار ہی ہے جس سے نیا ٹیلنٹ ابھر کر سامنے آرہا ہے، میچ کے اختتام پر ڈی جی سپورٹس پنجاب ذوالفقار احمد گھمن نے کھلاڑیوں میں انعامات تقسیم کئے۔میچ کے آرگنائزنگ سیکرٹری محمد ساجد تھے۔

مزید :

کھیل اور کھلاڑی -