پیپلز پارٹی آج ڈہرکی میں سیاسی قوت کا مظاہر کریگی ، بلاول بھٹو کارکنوں کا لہو گرمائیں گے

پیپلز پارٹی آج ڈہرکی میں سیاسی قوت کا مظاہر کریگی ، بلاول بھٹو کارکنوں کا لہو ...
پیپلز پارٹی آج ڈہرکی میں سیاسی قوت کا مظاہر کریگی ، بلاول بھٹو کارکنوں کا لہو گرمائیں گے

  

گھوٹکی (مانیٹرنگ ڈیسک )پاکستان پیپلز پارٹی آج اندرون سندھ کے شہررہڑکی میں سیاسی قوت کا مظاہر ہ کرے گی ۔

ایکسپریس نیوز کے مطابق فرینڈلی اپوزیشن کے طعنے سننے والی پاکستا ن پیپلز پارٹی نے بلا ٓخر حکومت کے خلاف کھل کر میدان میں آنے کی ٹھا ن لی ، آج چیئرمین بلاول بھٹو زرداری تحصیل ڈہرکی کے شہر رہڑکی  میں دوپہر 2 بجے کے بعد جلسے کے دوران کارکنوں سے خطاب کریں گے ۔

اتحاد ائیرویز نے پاکستانیوں کیلئے ناقابل یقین پیشکش متعارف کروادی

ذرائع کا کہنا ہے کہ 8ایکڑ پر مشتمل پنڈال میں جیالوں کے بیٹھنے کیلئے 20ہزار کرسیاں لگائی گئی ہیں اور 1ہزار صوفے بھی رکھے گئے ہیں جہاں رہنماﺅں اور کارکنوں کو بیٹھنے کی ہدایت کی گئی ہے ۔ جلسے کے دوران 5سو پولیس اہلکار سیکیورٹی کے فرائض سرانجام دیں گے جبکہ سیکیورٹی کی نگرانی کیلئے 8اضلاع کے ایس پیز کے سپرد کی گئی ہے ۔پیپلز پارٹی سندھ کے صدر نثار کھوڑوسمیت دیگر رہنماﺅں نے جلسہ گاہ پہنچ کر سیکیورٹی کے انتظامات کا جائزہ لیا ۔

سبی میں دھماکا ، خبر پڑھنے کیلئے یہاں کلک کریں

ذرائع نے بتایا کہ جلسے میں چیئرمین بلاول بھٹو کارکنوں سے خطاب کریں گے جبکہ دیگر قیادت بھی جیالوں کا لہو گرمائے گی ۔ جلسے میں کرسیاں اور ساﺅنڈ سسٹم لگانے کا کام جاری ہے جبکہ سراغ رساں کتوں اور بم ڈسپوزل سکواڈ کے عملے نے پنڈال کی چیکنگ بھی کر لی ہے۔ بلاول بھٹو کے خطاب کیلئے سٹیج بھی تیار کیا جا رہا ہے جبکہ پنڈال میں پارٹی جھنڈے اور فلیکس بھی لگائی جا رہی ہیں ۔

بلوچستان میں ایف سی چوکیوں پر راکٹ حملے، خبر جاننے کیلئے اس لنک پر کلک کریں

پاناما لیکس کے حوالے سے سپریم کورٹ میں جاری سماعت کے بعد بلاول بھٹو زرداری پہلا سیاسی جلسہ کر رہے ہیں اور ممکنہ طور پر آج وہ حکومت کو پاناما لیکس پر اڑے ہاتھوں لیں گے جبکہ عمران خان کے دو نومبر کو لاک ڈاﺅن اور اس کے بعد کال واپس لینے پر بھی تنقید کریں گے. 

 اس کے علاوہ بلاول بھٹو حکومت کو دیے گئے اپنے چار مطالبات کو منظور کرنے کے حوالے سے بھی یاد دہانی کرائیں گے اور احتجاج کی کال پر کارکنوں کو تیار رہنے کی ہدایت بھی کریں گے ۔

مزید :

گھوٹکی -