پانامالیکس کی شفاف تحقیقات نئے پاکستان کی بنیا دثابت ہو گی : چودھری سرور

پانامالیکس کی شفاف تحقیقات نئے پاکستان کی بنیا دثابت ہو گی : چودھری سرور
پانامالیکس کی شفاف تحقیقات نئے پاکستان کی بنیا دثابت ہو گی : چودھری سرور

  

لاہور (مانیٹرنگ ڈیسک )تحریک انصاف کے رہنما چوہدری محمدسرورنے کہا ہے کہ پانامہ لیکس کی شفاف تحقیقات نئے پاکستان کی بنیاد ثابت ہوگی۔ پانامہ لیکس کی تحقیقات میں رکاوٹ عوام اورملک دشمنی کے مترادف ہوگی ، حکمران اب ”ڈنگ ٹپاﺅ “پالیسی اختیار کر کے اپنی کر پشن نہیں بچا سکتے انکو قوم خزانے سے لوٹی گئی پائی پائی کا حساب دینا پڑ یگا۔

پی ٹی آئی کے وفود سے ملاقات کے دوراب گفتگو کرتے ہوئے سابق گور نر پنجاب چوہدری محمدسرور نے کہا کہ ملک میں کر پشن کے خاتمے سے عوام کے بنیادی مسائل کا حل ممکن ہو سکتا ہے۔”سمجھ نہیں آتی جب حکمران دعویٰ کرتے ہیں کہ پانامہ لیکس کے معاملے میں انکا دامن صاف ہے تو وہ بتائیں کہ اب سپر یم کورٹ میں جوابات جمع کروانے میں کوئی بہانے بنا رہے ہیں؟۔

پشاور ہائی کورٹ نے افغان خاتون شربت گلہ کو ملک بدر کرنے کا حکم سنا دیا

انہوں نے کہا کہ احتساب کے معاملے میں پاکستانی قوم نے بہت جد وجہد کی ہے اس لیے پانامہ لیکس کی تحقیقات میں کسی قسم کی رکاوٹ کو برداشت نہیں کیا جا ئیگا اور جو بھی احتساب کی راہ میں رکاوٹ ڈالے گا وہ ملک اور قوم کا دشمن ہوگا۔

نواز شریف نے ہمارے مطالبات تسلیم نہ کیے تو ۔۔۔بلاول بھٹو نے ایسی بات کہہ دی کہ جان کر عمران خان بھی دنگ رہ جائیں گے 

رہنما تحریک انصاف نے مزید کہا کہ تحر یک انصاف عمران خان کی قیادت میں نئے پاکستان کی جو جنگ لڑ رہی ہے وہ ضرور کا میاب ہوگی اور اس میں کوئی شک نہیں ہونا چاہیے کہ پانامہ لیکس کی شفاف تحقیقات ''نئے پاکستان ''کی بنیاد ثابت ہوگی اور نئے پاکستان میں ہی اس ملک کو کر پشن 'مہنگائی 'لوڈشیڈ نگ اور دیگر مسائل سے نجات ملے گا۔انہوں نے کہا کہ اگر ملک میں کر پشن کر نیوالوں کو سزا ملے تو پھر کسی کو کر پشن کر نے کی جرات نہیں ہوگی۔ 

مزید :

لاہور -