گھومتی گیندوں پر نچانیوالے مونٹی پنیسر نے ڈانسنگ شو جوائن کرلیا

لندن(نیٹ نیوز ) ایک دہائی تک بلے باز وں کو اپنی گھومتی گیندوں پر نچانے والے برطانوی لیفٹ آرم سپنر مونٹی پنیسر نے ڈانسنگ آن دی آئس شو کو جوائن کرلیا ہے۔35 سالہ مونٹی پنیسر کی کئی روز سے ٹی وی شو کے مالکان سے بات چل رہی تھی اور گزشتہ روز انھوں نے ایک انٹرویو میں تصدیق کردی کہ وہ اس پروگرام کا حصہ بن رہے ہیں،پنیسر کا کہنا تھا کہ ڈانس خود کو فٹ رکھنے کا بہترین طریقہ ہے اور میں اپنے اس تجربے کے حوالے سے خاصا پرجوش ہوں۔یاد رہے کہ مونٹی پنیسر ایشز 2014ء کے بعد کبھی انگلش ٹیم کی جانب سے ایکشن میں نظر نہیں آئے ہیں۔