عورت پر ہاتھ اٹھانے کے خلاف ہوں،اداکارہ نوین وقار
لاہور(فلم رپورٹر)اداکارہ نوین وقارنے کہا کہ وہ عورت پر ہاتھ اٹھانے کے خلاف ہیں۔ نجی ٹی وی پر گفتگو کرتے ہوئے انہوں نے کہا کہ ڈرامے کا انتخاب بہت سوچ سمجھ کرتی ہیں اور مستقبل میں گھریلو تشدد سے متاثرہ خواتین کے لئے کچھ کرنے کا ارادہ رکھتی ہیں۔انہوں نے بتایا کہ وہ میک اپ کرنے اور بننے سنورنے کی شوقین نہیں ہیں اور سیٹ پر بھی میک اپ آرٹسٹ کو بھی کم میک اپ کرنے کی ہدایت کرتی ہیں۔ ایک سوال پر انہوں نے کہا کہ ورزش اور ورک آؤؤٹ ان کی روٹین کا حصہ ہے۔ نوین وقار ڈرامہ ”بے وفا“ میں اداکار علی رحمان خان کے ساتھ مرکزی کردار ادا کر رہی ہیں جسے شائقین کی طرف سے بہت سراہا جارہا ہے۔ نوین وقار ایک پاکستانی اداکارہ اور ماڈل ہیں۔ جو کہ 9جنوری 1985ء میں کراچی میں پیدا ہوئیں۔
نوین کو یو تو بے شمار ٹی وی سیریلز میں دیکھا گیا۔ لیکن ان کی وجہ شہرت،ڈرامہ سیریل”ہم سفر“ بناو?۔ ”ہم سفر، عینی کی آئی گی بارات، میرا یقین، اف میری فیملی، الوداع، مول“ وغیرہ نوین وقار کے ٹی وی سیریلز ہیں۔