اینکر پرسن کرن ناز نے اپنے شوہر کو دوسری شادی کی اجازت دے دی

اینکر پرسن کرن ناز نے اپنے شوہر کو دوسری شادی کی اجازت دے دی
اینکر پرسن کرن ناز نے اپنے شوہر کو دوسری شادی کی اجازت دے دی

  



کراچی (ڈیلی پاکستان آن لائن) نجی ٹی وی سے وابستہ پروگرام ہوسٹ کرن ناز کا کہنا ہے کہ مرد کو اللہ نے ایک سے زائد شادی کی اجازت دی ہے اس لیے انہوں نے اپنے شوہر کو دوسری شادی کی اجازت دے دی ہے۔

اپنے ایک ویڈیو پیغام میں اینکر پرسن کرن ناز کا کہنا تھا کہ اللہ رب العزت نے مرد کو دوسری، تیسری اور چوتھی شادی کی اجازت دی ہے، چونکہ یہ مالک کا حکم ہے اس لیے میں اس پر تنقید تو دور کی بات اس بارے میں کوئی بات بھی نہیں کرسکتی۔

کرن ناز نے کہا کہ جب اللہ نے اجازت دی ہے تو ان کی یہ حیثیت نہیں ہے کہ وہ اپنے شوہر کو دوسری شادی کی اجازت دیں لیکن پھر بھی انہوں نے اپنے شوہر سے کہا ہوا ہے کہ اگر کبھی بھی آپ کو یہ لگے کہ آپ کو دوسری شادی کرنی چاہیے تو آپ بالکل کرسکتے ہیں۔

اینکر پرسن کا کہنا تھا کہ اپنے شوہر کی دوسری شادی سے انہیں کوئی مسئلہ نہیں ہے لیکن اپنے شوہر سے ٹوٹ کر محبت کرنے والی بیوی کی طرح جب شیئرنگ ہوگی تو اس سے انہیں بھی فرق پڑے گا لیکن اس کے علاوہ انہیں اس پر کوئی اعتراض نہیں ہے۔ ’چونکہ یہ اللہ رب العزت کا حکم ہے تو میری اتنی اوقات نہیں ہے کہ اپنے شوہر کو منع کرسکوں۔‘

مزید : ڈیلی بائیٹس /علاقائی /سندھ /کراچی