اسلام آباد ( ڈیلی پاکستان آن لائن ) گورنر خیبرپختونخوا فیصل کریم کنڈی نے وفاقی وزیر خزانہ محمد اورنگزیب سے اسلام آباد میں خصوصی ملاقات کی جس میں اہم امور پر تبادلہ خیال کیا گیا، خیبرپختونخوا اسمبلی میں پاکستان پیپلز پارٹی کے پارلیمانی لیڈر احمد کریم کنڈی بھی انکے ہمراہ تھے۔
ملاقات میں خیبرپختونخوا کے مالی مسائل، ترقیاتی منصوبوں کے لئے وفاقی فنڈز کی فراہمی اور صوبے کی معاشی صورتحال کو بہتر بنانے کے لئے مختلف امور پر تبادلہ خیال ہوا۔
گورنر خیبرپختونخوا نے وزیر خزانہ کو صوبے میں تعلیم، صحت اور انفرااسٹرکچر کے شعبوں میں فنڈز کی فراہمی کو یقینی بنانے کی درخواست کی تاکہ صوبے کے عوام کو بہتر سہولیات فراہم کی جا سکیں۔