مالدیپ، نئی نسل کیلئے تمباکوکے استعمال پر مستقل پابندی نافذ

                                                                                    مالے (آئی این پی) مالدیپ نے تمباکو نوشی کے خلاف ایک تاریخی قدم اٹھاتے ہوئے نئی نسل کے لیے تمباکو کے استعمال پر مستقل پابندی نافذ کر دی،  مالدیپ دنیا کا پہلا ملک بن گیا ہے جس نے آئندہ نسلوں کیلئے سگریٹ نوشی کو قانونی طور پر ممنوع قرار دیا ہے۔ مالدیپ کی وزارتِ صحت کے مطابق نئے قانون کے تحت یکم جنوری 2007کے بعد پیدا ہونیوالے افراد پر زندگی بھر تمباکو مصنوعات کی خرید و فروخت اور استعمال مکمل طور پر ممنوع ہوگا۔یہ قانون صدر محمد معیزو نے مئی میں منظور کیا تھا، جس کا مقصد تمباکو سے پاک نسل کی تشکیل اور عوامی صحت کے تحفظ کو یقینی بنانا ہے وزارتِ صحت کے بیان میں کہا گیا کہ یہ پابندی ایک جرأت مندانہ اقدام ہے حکام کے مطابق یہ پالیسی عالمی ادار صحت کے فریم ورک کنونشن آن ٹوبیکو کنٹرول کے اصولوں کے عین مطابق ہے۔