گریمی ایوارڈز،میشا شفیع،عروج آفتاب نے گانے جمع کروادئیے

 لاہور(فلم رپورٹر)گلوکاراؤں میشا شفیع اور عروج آفتاب نے گریمی ایوارڈز کی نامزدگیوں کے لئے اپنے اپنے نئے البم و گانے انفرادی طور پر جمع کروا دیئے۔میشا شفیع نے اپنا پہلا سولو البم کھلنے کو 3 کیٹیگریز کے لیے پیش کیا ہے، ان میں بیسٹ گلوبل میوزک البم، بیسٹ گلوبل میوزک پرفارمنس اور بیسٹ انجینئرڈ البم (نان کلاسیکل) شامل ہے۔میشا کے مذکورہ 47 منٹ کے البم میں 11 گانے ہیں۔دوسری جانب گریمی یافتہ گلوکارہ عروج آفتاب نے بہترین ریمکسڈ ریکارڈنگ کیٹیگری کے لیے اپریل میں ریلیز ہونے والا رات کی رانی کا ریمکس ورژن خرانگ بن جمع کروایا ہے جبکہ ان کا کہنا ہے کہ امید ہے کہ ایوارڈز کے لئے ضرور نامزدگیاں ہوجائیں گی۔