27ویں آئینی ترمیم کا جو پنڈورا باکس کھولا گیا ہے ، پیپلزپارٹی اس میں برابر کی شریک ہے ،اسد قیصر
اسلام آباد (ڈیلی پاکستان آن لائن) پی ٹی آئی رہنما اسد قیصر کا کہنا ہے 27ویں آئینی ترمیم کا جو پنڈورا باکس کو کھولا گیا ہے اور بلاول بھٹو کی جانب سے آئینی ترمیم کے حوالے سے جو ٹویٹ آیا ہمیں بھرپور قسم کی تشویش ہے ہم سمجھتے ہے کہ پیپلزپارٹی اس میں برابر کی شریک ہے ۔
میڈیا سے گفتگو کرتے ہوئے انہوں نے کہا یہ جو بھی ڈرامہ ہو رہا ہے یہ صرف کچھ لوگوں کو دکھانے کے لیے 7سے8 پوائنٹس رکھے ہے۔ پھر آخر میں پیپلزپارٹی کی طرف سے کہا جائے گا کہ ہم نے 18ویں ترمیم کی حفاظت کی ، اصل میں ان کے فیصلے پہلے ہو چکے ہیں ۔ سارا کچھ دیکھاوےکے لیے ہورہا ہے ۔ ہمیں افسوس اس بات پر ہے ایک پیپلزپارٹی وہ تھی جو ذولفقار علی بھٹو کی پیپلزپارٹی تھی ، جس نے 1973ء آئین کی بنیاد رکھی ۔ دوسری پیپلزپارٹی بے نظیر بھٹو کی پیپلزپارٹی تھی ، جس نے جمہوریت کے لیے اپنی جان کی نذرانہ دیا۔ ان کے ساتھ آپ کے بہت اختلافات ہو سکتے ہیں ، ہمارے بھی اختلافات ہیں۔ہم سمجھتے ہےکہ انہوں نےجمہوریت کے لیے زندگی دی ۔ آج کی پیپلزپارٹی جمہوریت کو دفن کرنے کے لیے اپنا کردار ادا کررہی ہے۔
اسد قیصر نے کہا میاں نواز شریف صاحب کچھ سال پہلے ووٹ کو عزت دینے کے لیے روڈوں پر تھے ، ان کا ایک نعرہ تھا ووٹ کو عزت دو۔ میاں صاحب وہ ووٹ کو عزت دو کا نعرہ کدھر گیا۔؟ 8 فروری کو آپ کو اصولی فیصلہ کرنا چاہیے تھا کہ اس حکومت کا حصہ نہیں بننا چاہتے وہ آپ نے نہیں کیا یہ جو آپ کو منتوں ترلوں ، پاؤں پڑنے سےآپکو کو اقتدار ملا ہے۔ آپ کے پاس کوئی اختیار نہیں کہ آپ کوئی فیصلہ کریں بغیر پوچھے۔
اسد قیصر نے مزید کہا ہم نے کیا لائحہ عمل اپنانا ہے۔ سلمان اکرم راجا کی طرف سے قائد عمران خان کو بھی اپنے کچھ سفارشات بھیجےہیں۔ اس لیے ابھی ہم اس بارے میں فوری کارروائی نہیں کریں گے بلکہ شام کو باضابطہ ایک پریس ریلیز جاری کریں گے جب ملاقات ہو جائے گی۔ جو ہمارا ابتدائی لائحہ عمل ہے، اس کے بارے میں ہم باضابطہ اسٹیٹمنٹ جاری کریں گے۔ لیکن ایک بات واضح ہے کہ ہم ہر صورت میں جمہوریت کو قائم رکھیں گے، آئین کی بالادستی کو یقینی بنائیں گے اور اپنی بنیادی حکومتی ذمہ داریاں عوام کے حوالے رکھیں گے۔ ہم پارلیمنٹ میں اپنا بھرپور مؤقف پیش کریں گے اور ہر فورم پر تمام مسائل اٹھائیں گے۔ ہم انصاف اور قانون کے ذریعے مسائل کے حل کی امید رکھتے ہیں۔ اگر عدالتی یا انتظامی عمل میں کسی قسم کی مداخلت ہوئی تو ہم مناسب قانونی راستے اختیار کریں گے تاکہ انصاف قائم رہے۔ ہم اپنی عوام کے ساتھ کھڑے ہیں اور ان کے حقوق کے لیے بھرپور جدوجہد کریں گے۔ انشاء اللہ ہم جمہوریت اور آئین کی بالادستی کے لیے اپنی کوششیں جاری رکھیں گے۔
27 آئینی ترمیم کا جو پنڈورہ بکس کو کھولا گیا ہے اور بلاول بھٹو کی جانب سے آئینی ترمیم کے حوالے سے جو ٹویٹ آیا ہمیں بھرپور قسم کی تشویش ہے ہم سمجھتے ہے کہ پیپلزپارٹی اس میں برابر کی شریک ہے یہ جو بھی ڈرامہ ہورا ہے یہ صرف کچھ لوگوں کو دیکھانے کے لیے 7سے8 پوائنٹس رکھے ہے۔ پھر آخر… pic.twitter.com/sq1QAnENWX
— Asad Qaiser (@AsadQaiserPTI) November 4, 2025
