کراچی ، شہری پر تشدد کرنے والے پولیس اہلکارمعطل

کراچی ، شہری پر تشدد کرنے والے پولیس اہلکارمعطل

کراچی(کرائم رپورٹر ) شارع فیصل پر شہری کو تشدد کا نشانہ بنانے والے وی آئی پی پروٹوکول اسکواڈ میں شامل پولیس اہلکارکومعطل کردیاگیاہے۔تفصیلات کے مطابق کراچی کی مصروف ترین شاہراہ شارع فیصل پر وی آئی پی پروٹوکول اسکواڈ کی جانب سے شہری کو تشدد کا نشانہ بنانے کی ویڈیو منظر عام پر آنے کے بعد آئی جی سندھ نے نوٹس لیتے ہوئے ایس پی سیکیورٹی ون ملک احسان کو تحقیقات کی ہدایت کی تھی، شہری پر تشدد کے واقعے کی تحقیقات کے بعد واقعے میں ملوث اے ایس آئی اللہ دتہ اور سپاہی شاہین کو معطل کردیا گیا ہے۔ایس پی ملک احسان کے مطابق سیکیورٹی اسکواڈ سندھ ہائی کورٹ کے جج کی حفاظت پر مامور تھا جبکہ معطل کئے گئے اہلکاروں کے خلاف محکمانہ کارروائی بھی شروع کردی ہے، ملک احسان کے مطابق وی آئی پی پروٹوکول کے درمیان اگر کوئی شہری آجائے تو اسے 2 سے 3 مرتبہ وارننگ دی جاتی ہے اور نہ ہٹنے کی صورت میں پروٹوکو ل میں آنے والے کو پکڑلیتے ہیں۔

یا پھر گاڑی سے سائیڈ ماردی جاتی ہے۔واضح رہے کہ گزشتہ روز شارع فیصل پر شہری کو تشدد کا نشانہ بنانے کی ویڈیو منظرِ عام پر آئی تھی۔

مزید : علاقائی