پارلیمنٹ کے گیٹ کے سامنے مجھ پر حملہ کیا گیاجمشید دستی ،ملوث افراد کیخلاف کارروائی کی جائیگی،ڈپٹی سپیکر

پارلیمنٹ کے گیٹ کے سامنے مجھ پر حملہ کیا گیاجمشید دستی ،ملوث افراد کیخلاف ...

اسلام آباد (آن لائن) ممبر قومی اسمبلی جمشید دستی نے کہا کہ گزشتہ روز گلو بٹوں نے پارلیمنٹ کے گیٹ کے باہر مجھ پر حملہ کیا ہے جو کہ ایک ممبر قومی اسمبلی کی تضحیک ہے،اگر ہماری عزت نہ کی گئی تو پھر وزیراعظم اور وزیر داخلہ کا بھی گریبان پکڑیں گے، ان کی بھی عزت نہیں کی جائے گی۔ منگل کو ایوان زیریں کے اجلاس میں نقطہ اعتراض پر بات کرتے ہوئے انہوں نے کہا کہ 20سے25لوگ جو حکومتی ممبران اسمبلی کے ساتھ آئے تھے اور گیٹ پر بدتمیزی کی جو ناقابل برداشت ہے اس کا نقصان حکمران جماعت کو ہی ہو گا۔ جس پر ڈپٹی سپیکر نے کہا کہ اس واقعے کی تحقیقات کر کے واقعے میں ملوث افراد کیخلاف کارروائی کی جائے گی۔ جس پر جمشید دستی نے کہا کہ واقعے میں ملوث لوگوں کے خلاف قانونی کارروائی کی جائے ورنہ وزیراعظم اور وزیر داخلہ کا گریبان پکڑ لوں گا۔

مزید : صفحہ آخر