عمران خان کی ایوان میں دوڑتے ہو ئے آ مد ، اراکین اسمبلی نے ڈیسک بجا کر استقبال کیا

اسلام آباد( آن لائن ) قومی اسمبلی میں وزیر خزانہ اسد عمر کی تقریر کے دوران وزیراعظم عمران خان دوڑتے ہوئے ایوان میں داخل ہوکر اپنی کرسی پر براجمان ہوگئے اور ہاتھ میں تسبیح سے کھیلتے رہے ۔ تفصیلات کے مطابق بدھ کے روز وزیر خزانہ اسد عمر قومی اسمبلی میں اظہار خیال کررہے تھے کہ اچانک وزیراعظم عمران خان دوڑتے ہوئے ایوان میں داخل ہوئے تحریک انصاف کے اراکین اسمبلی نے ڈیسک بجا کر عمران خان کا استقبال کیا اور پی پی پی سمیت پی ایم ایل (ن) کے اراکین مسکراتے رہے پھر وزیراعظم جلدی سے اپنی کرسی پر براجمان ہوئے اور اسد عمر کے دوران تقریر عمران خان تسبیح کے ساتھ کھیلتے رہے ۔