بلوچستان اسمبلی کااجلاس،سینڈک منصوبے کے اموربلوچستان کے حوالے کر نے سے متعلق قرارداد منظور

کو ئٹہ(ڈیلی پاکستان آن لائن)ڈپٹی اسپیکرسرداربابرموسیٰ خیل کی زیرصدارت بلوچستان اسمبلی کااجلاس ہوا ہے جس میں سینڈک منصوبے کے کنٹرول،انتظام اوردیگراموربلوچستان کے حوالے کر نے سے متعلق قرارداد منظورکی گئی ہے۔
جیونیوز کے مطابق چیئرمین آف پینل یونس عزیز زہری نے سینڈک منصوبے سے متعلق 9رکنی کمیٹی بنانے کااعلان کیا ہے،وزیراعلیٰ بلوچستان جام کمال نے اجلاس سے خطاب کر تے ہو ئے کہا ہے کہ
ہم صوبے میں ہونےوالے تمام معاہدوں کاازسرنوجائزہ لیں گے،کسی نے معدنیات کے حوالے سے بات کرنی ہے تووفاق کی بجائے ہم سے کرے،اٹھارویں ترمیم کے بعد تمام معدنیات سے متعلق اختیارصوبائی حکومتوں کاہے،ایسانہیں ہوگا کہ ہم اپنے وسائل مفت میں کسی کے حوالے کردیں،سینڈک منصوبے کے کنٹرول،انتظام اوردیگراموربلوچستان کے حوالے کر نے سے متعلق قرارداد منظورکی گئی۔