وہ جو مبتلا ہے محبتوں کے عذاب میں | سید مبارک شاہ |
وہ جو مبتلا ہے محبتوں کے عذاب میں
کوئی پھوٹتا ہوا آبلہ ہے حباب میں
مرا عشق شرطِ وصال سے رہے متصل
نہیں دیکھنا مجھے خواب شبِ شب خواب میں
جو کشید کرنے کا حوصلہ ہے تو کیجئے
کہ ہزار طرح کی راحتیں ہیں عذاب میں
یہ طوافِ کعبہ یہ بوسہ سنگِ سیاہ کا
یہ تلاش اب بھی ہے پتھروں کے حجاب میں
بڑی لذتیں ہیں گناہ میں جو نہ کیجئے
جو نہ پیجئے تو عجب نشہ ہے شراب میں
سبھی عذر ہائے گناہ جب ہوئے مسترد
تو دلیل کیسی دفاعِ کار ثواب میں
شاعر: سید مبارک شاہ
Wo Jo Mubtalaa Hay Muhabbton K Azaab Men
Koi Phootta Hua Aabla Hay Hubaab Men
Mira Eshq Shart-e-Visaal Say Rahay Mutasill
Nahen Dekhna Mujhay Khaab Shab-e-Shab Khaab Men
Jo Kasheed Karnay Ka Hosla Hay To Kijiay
Keh Hazaar Tarah Ki Raahten Hen Azaab Men
Yeh Tawaaf -e-Kaaba Yeh Bosa Sang-e-Siyaah Ka
Yeh Talaash Ab Bhi Hay Pathron K Hijaab Men
Barri Lazzaten Hen Gunaah Men Jo Na Kijiay
Jo Na Pijiay To Ajab Nasha Hay Sharaab Men
Sabhi Uzr Haa-e-Gunaah Jab Mustarad Huay
To Daleel Kaisi Difaa-e- Kaar-e-Sawaab Men
Poet: Syyed Mubarak Shah