پر تو ہوا میں رہ گئے اوّل اڑان میں | سید مبارک شاہ |
پر تو ہوا میں رہ گئے اوّل اڑان میں
پہنچا ہوں اس مقام تک اپنے ہی دھیان میں
ہم ڈھونڈتے ہی رہ گئے حسنِ طلب مگر
رکھا تھا کیا سوائے رَسد کے دکان میں
تیرے جہان کی تو خبر کچھ نہیں مگر
تجھ سا کوئی نہیں ہے ہمارے جہان میں
سناٹا گونجتا ہے مکینوں کی یاد میں
پھر آنکھ کھولتی ہیں دراڑیں مکان میں
اس کو حدِ یقیں میں فریباً رکھا گیا
پورا سما سکا نہ جو دشتِ گمان میں
ان راحتوں میں ڈھونڈتا پھرتا ہےکیا نشاط
سایہ کہاں وجود کا اس سائبان میں
جاتی نہیں دماغ سے لکنت خیال کی
جب لوگ سوچتے ہیں پرائی زبان میں
شاعر: سید مبارک شاہ
Par To Hawaaa Men Reh Gaey Awwal Uraan Men
Pauncha Hun Iss Maqaam Tak Apnay Hi Dhayaan Men
Ham Dhoondtay Hi Reh Gaey Husn-e-Talab Magr
Rakha Tha Kaya Siwaaey Rasad K Dukaan Men
Teray Jahaan Ki To Khabar Kuchh Nahen Magar
Tujh Sa Koi Nahen Hay Hamaaray Jahaan Men
Sannaata Goonjta Hay Makeenon Ki Yaad Men
Phir Aankh Kholti Hen Daraarren Makaan Men
Iss Ko Hadd-e-Yaqeen Men Faraiban Rakha Gaya
Poora Samaa Saka Na Jo Dsht-e- Gumaan Men
In Raahton Men Dhoodta Phirta Hay Kaya Nishaat
Saaya Kahan Wajood Ka Iss Saaybaan Men
Jaati Nahen Dimaagh Say Luknat Khayaal Ki
Jab Log Sochtay Hen Paraai Zubaan Men
Poet: Syyed Mubarak Shah