یہ دسمبر ہے| سیما غزل |
یہ دسمبر ہے
سنو ! میں جانتی ہوں یہ دسمبر ہے
وہاں سردی بہت ہو گی
اکیلے شام کو جب تم تھکے قدموں سے لوٹو گے
تو گھر میں کوئی بھی لڑکی
سلگتی مسکراہٹ سے
تمھاری اس تھکاوٹ کو
تمھارے کوٹ پر ٹھہری ہوئی بارش کی بوندوں کو
سمیٹے گی ،نہ جھاڑے گی
نہ تم سے کوٹ لے کر وہ
کسی کرسی کے ہتھے پر
اسے لٹکا کے اپنے نرم ہاتھوں سے
چھوئے گی اس طرح جیسے
تمھارا لمس پاتی ہو
تم آتش دان کے آگے ، سمٹ کر بیٹھ جاوگے تو ایسا بھی نہیں ہو گا
تمھارے پاس وہ آکر، بہت ہی گرم کافی کا ذراسا گھونٹ خود لے کر
وہ کافی تم کو دے کر،تم سے یہ پوچھے
"کہو کیا تھک گئے ہو تم"
تم اپنی خالی آنکھوں سے
یوں اپنے سرد کمرے کو جو دیکھو گے تو سوچو گے
ٹھٹھر کر رہ گیا سب کچھ
تمھاری انگلیوں کی سرد پوروں پر
کسی رخسار کی نرمی
کسی کے ہونٹ کی گرمی
تمھیں بے ساختہ محسوس تو ہوگی
مگر پھر سرد موسم کی ہوا کا ایک ہی جھونکا
تمھیں بے حال کر دے گا
تھکے ،ہارے ،ٹھٹھرتے سرد بستر پر
اکیلے لیٹ جاو گے
شاعرہ :سیماغزل
(سیما غزل کی وال سے)
Yeh December Hay
Suno! Main Jaanti Hun Yeh December Hay
Waahaan Sardi Bahut Ho Gai
Akailay Shaam Ko Jab Thakay Qadmon Say Laoto Gay
To Ghar Men Koi Bhi Larrki
Sulagti Muskuraahat Say
Tumhaari Iss Thakaawat Ko
Tumhaaray Kott Par Thehrri Hui Baarish Ki Booden
Samaitay Gi Na Jhaarray Gi
Na Tum Say Kott Lay Kar Wo
Kisi Kursi K Hathay Par
Usay Lattka K Apnay Narm Haathon Say
Chhuay Gi Iss Trah Jaisay
Tumhaara Lams Paati Ho
Tum Aatish Daan K Aagay Simat Kar Baith Jaao Gay To Aisa Bhi Nahen Ho Ga
Tumhaaray Paas Wo Aa Kar , Bahut Garm Kaafi Zara Sa Ghont Khud Lay Kar
Wo Kaafi Tum Ko Day Kar , Tum Say Poochhay Gi
Kaho Kaya Thak Gaey Ho Tum
Tum Apni Khaali Aankhon Say
Yun Apnay Sard Kamray Ko Jo Dekho Gay To Socho Gay
Thithar Kar Reh Gaya Sab Kuch
Tumhaari Unglion Ki Sard Poron Par
Kisi Rukhsaar Ki Narmi
Kisi K Hont Ki Garmi
Tumhen Be Saakhta Mehsoos To Ho Gi
Magar Phir Sard Mosam Ki Hawa Ka Aik Jhonka
Tumhem Behaal Kar Day Ga
Thakay , Haaray , Thithartay Sard Bistar Par
Akailay Lait Jaao Gay
Poetess: Seema Ghazal