ٹیسٹ کرکٹ میں واپسی سے متعلق معین علی کا بیان آ گیا

ٹیسٹ کرکٹ میں واپسی سے متعلق معین علی کا بیان آ گیا
ٹیسٹ کرکٹ میں واپسی سے متعلق معین علی کا بیان آ گیا

  

لندن (ڈیلی پاکستان آن لائن ) انگلش کرکٹر معین علی نے ٹیسٹ کرکٹ میں واپسی کے امکانات کو رد کر دیا ہے ،  انگلینڈ  آل راؤنڈر کا کہنا ہےکہ کوچ برینڈن میکلم کو بتا دیا ہے ،ریٹائرمنٹ کے فیصلےکو تبدیل نہیں کروں گا۔

نجی ٹی وی "جیو نیوز "کے مطابق  معین علی کا کہنا ہے کہ میں ریٹائرمنٹ کے  فیصلے کو تبدیل نہیں کروں گا، کوچ برینڈن میکلم سے بات چیت ہوئی ہے اور میں نے کہا کہ سوری میں ٹیسٹ کرکٹ ختم کرچکا ہوں،کوچ میکلم اس بات کو سمجھتے ہیں کہ ٹیسٹ کرکٹ میں بہت محنت کی ضرورت ہے اور میں 35 برس کا ہو چکا ہوں۔

 معین علی کا کہنا تھاکہ میں اپنی کرکٹ سے لطف اندوز ہونا چاہتا ہوں، یہ انصاف نہیں ہو گا کہ میں فیصلہ تبدیل کروں، انگلینڈ کے لیے 64 ٹیسٹ کھیلنا اعزاز کی بات ہے اور  اب میں ٹیسٹ کرکٹ کا دروازہ بند کر چکا ہوں ، میرا انگلینڈ کے لیے ٹیسٹ کھیلنے کا خواب پورا ہو چکا ہے۔

واضح رہے کہ کوچ برینڈن میکلم نے معین علی کو ٹیسٹ کرکٹ کے لیے اہل قرار دیا تھا،معین علی نے گزشتہ ستمبر میں ٹیسٹ کرکٹ سے ریٹائر منٹ کا اعلان کیا تھا اور اب انگلینڈ کرکٹ ٹیم کی اگلی ٹیسٹ سیریز پاکستان کے خلاف ہے،پاکستان اور انگلینڈ کے درمیان 3ٹیسٹ دسمبر میں راولپنڈی، ملتان اور کراچی میں کھیلے جائیں گے۔

مزید :

کھیل -