خوشدل شاہ کے آؤٹ ہونے پر سٹیڈیم میں "پرچی پرچی "کے نعرے ، امام الحق میدان میں آ گئے

خوشدل شاہ کے آؤٹ ہونے پر سٹیڈیم میں "پرچی پرچی "کے نعرے ، امام الحق میدان میں آ ...
خوشدل شاہ کے آؤٹ ہونے پر سٹیڈیم میں

  

لاہور (ڈیلی پاکستان آن لائن )قومی ٹیم کے مڈل آرڈر بیٹر خوشدل شاہ کو انگلینڈ کے خلاف سیریز کے آخری میچ میں خراب کارکردگی کے باعث سٹیڈیم میں موجود شائقین نے انہیں ڈریسنگ روم جاتا دیکھ کر پرچی پرچی کے نعرے لگائے جس کی ویڈیو بھی سوشل میڈیا پر وائرل ہوئی ، اب امام الحق نے ان کے حق میں ٹوئٹ  کیا ہے ۔

تفصیلات کے مطابق انگلینڈ کے خلاف 7 میچز پر مشتمل سیریز کے آخری اورفیصلہ کن میچ میں خراب پرفارمنس کے بعد جب خوشدل شاہ پویلین جا رہے تھے ، جس دوران سٹیڈیم میں موجود شائقین نے انہیں پرچی پرچی پکارنا شروع کر دیا ، جس پر بیٹر امام الحق کھلاڑیوں کی حمایت میں سامنے آئے اور ٹوئٹ کے ساتھ سٹیڈیم کی ویڈیو شیئر کرتے ہوئے  شائقین کرکٹ سے کھلاڑیوں کو سپورٹ کرنے کی درخواست کی،اوپنر امام الحق نے ٹوئٹ پر واقعے کی ویڈیو اپ لوڈ کرتے ہوئے کہا کہ " میری کرکٹ فینز سے درخواست ہے کہ وہ کھلاڑیوں پر آوازیں نہ کسیں ،آوازیں کسنے سے کھلاڑیوں کی صحت پر برے طریقے سے اثر پڑتا ہے۔

واضح رہے کہ خوشدل شاہ نے سیریز کے 5 میچز میں 21 کی اوسط سے مجموعی طور پر 63 رنز بنائے تھے ،گزشتہ  اتوار کو 7 میچز پر مشتمل ٹی ٹوئنٹی سیریز کے آخری اور فیصلہ کن میچ میں انگلینڈ نے پاکستان کو باآسانی 67 رنز سے شکست دے کر سیریز 3-4 سے اپنے نام کرلی تھی۔

مزید :

کھیل -