وفاقی حکومت نے بھارت سے ادویات طبی آلات منگوانے پر عائد پابند ی ختم کر دی 

وفاقی حکومت نے بھارت سے ادویات طبی آلات منگوانے پر عائد پابند ی ختم کر دی 

  

 اسلام آباد(این این آئی)وفاقی حکومت نے انسانی ہمدردی کی بنیاد پر بھارت سے ادویات اور طبی آلات کی تجارت پر عائد پابندی ختم کردی۔میڈیا رپورٹ کے مطابق بھارت کی جانب سے مقبوضہ کشمیر کی حیثیت تبدیل کیے جانے اور جارحیت کے بعد پاکستان نے بھارت سے طبی آلات اور ادویات کی مد میں تجارت پر پابندی عائد کردی تھی تاہم اب حکومت نے یہ پابندی ختم کردی ہے۔وزارت تجارت کی جانب سے اس ضمن میں دو نوٹیفکیشن جاری کیے گئے ہیں جس کے تحت امپورٹ پالیسی آرڈر 2016ء اور ایکسپورٹ پالیسی آرڈر 2016ء میں ترامیم کردی گئی ہیں اور اب پاکستان سے پہلے کی طرح ادویات و طبی آلات بھارت درآمد اور برآمد کیے جاسکیں گے۔وزارت تجارت کے حکام کے مطابق یہ اقدام انسانی ہمدردی کی بنیاد پر دونوں ممالک کے عوام کو علاج کی سہولیات کے پیش نظر اٹھایا گیا ہے۔

 پابندی ختم

مزید :

صفحہ اول -