حکومت کسی اے پی سی سازش،گٹھ جوڑ سے بلیک میل نہیں ہوگی:دوست مزاری

حکومت کسی اے پی سی سازش،گٹھ جوڑ سے بلیک میل نہیں ہوگی:دوست مزاری

  

راجن پور(تحصیل رپورٹر)ڈپٹی سپیکر پنجاب اسمبلی سردار دوست محمد مزاری نے کہاہے کہ اپوزیشن کا مقصد صرف اور صرف حکومت کے ترقیاتی ایجنڈے کی راہ میں رکاوٹ ڈالنا ہے۔لیکن کوئی غلط فہمی میں نہ رہے۔پاکستان تحریک انصاف کی حکومت کسی APCیا سازشی(بقیہ نمبر2صفحہ6پر)

 گٹھ جوڑ سے بلیک میل نہیں ہوگی۔یہ ملاقاتیں ملکی مفاد نہیں بلکہ اپنی کرپشن بچانے کے لیے کی جا رہی ہیں۔ غیر جمہوری سوچ رکھنے والی جماعتوں کا آپس میں اتحاد بنے یا نہ بنے اس سے حکومت کو کوئی خطرہ نہیں اور ملک کی ترقی اور خوشحالی کا مقصد فراموش نہیں کیا جائے گا۔ان خیالات کا اظہار انہوں نے پنجاب اسمبلی میں اپنے چیمبر میں اراکین پنجاب اسمبلی سے گفتگو کے دوران کیا۔انہوں نے کہا کہ ماضی میں صرف کھوکھلے نعروں سے کام لیتے ہوئے عوام کی بنیادی ضروریات کو نظر انداز کیا گیا۔نمائشی منصوبوں پر قومی وسائل ضائع کئے گئے اور غلط پالیسیوں کی وجہ سے قومی اداروں کو کنگال کیاگیا۔ بے دردی سے ملکی خزانہ لوٹ کر بیرون ملک جائیدادیں بنائی گئیں۔ اپوزیشن کے خلاف نیب کیسز کے حوالے سے بات کرتے ہوئے انہوں نے کہا کہ جس نے جو بویا ہے وہی کاٹ رہا ہے۔ اس میں حکومت کا کوئی عمل دخل نہیں اور یہ چور مچائے شور والا حساب ہے۔اگر کسی نے کرپشن نہیں کی تو اس کو شور مچانے کی کیا ضرورت ہے۔پنجاب اسمبلی کے حوالے سے انہوں نے گفتگو کر تے ہوئے کہا کہ پنجاب اسمبلی میں دوسری تمام اسمبلیوں کی نسبت مفاد عامہ کے لیے ریکارڈ قانون سازی کی گئی ہے۔حکومت کی طرف سے اسمبلی کاروائی کے دوران تمام ممبران اسمبلی خواہ ان کا تعلق کسی بھی جماعت سے ہو چاہے وہ حکومت سے ہوں یا اپوزیشن سے بلا تفریق سب کو برابری کی سطح پر ساتھ لے کر چلنے کی کوشش کی جاتی ہے اور سب کو اپنی پارٹی کی نمائندگی کا پورا موقع دیا جاتا ہے۔ممبران اسمبلی کو بھی چاہیے کہ وہ ملک کی بہتری اور عوام کی خدمت کے لیے اسمبلی فلور پر سنجیدگی سے اپنا بھرپور کردار ادا کریں۔

دوست مزاری

مزید :

ملتان صفحہ آخر -