کہتے ہو نہ دیں گے ہم دل اگر پڑا پایا

کہتے ہو نہ دیں گے ہم دل اگر پڑا پایا
دل کہاں کہ گم کیجے ہم نے مدعا پایا

عشق سے طبیعت نے زیست کا مزا پایا
درد کی دوا پائی، درد بے دوا پایا

دوست دارِ دشمن ہے! اعتمادِ دل معلوم
آه بے اثر دیکھی، نالہ نارسا پایا

سادگی  و  پرکاری، بے خودی و  ہشیاری

حسن کو تغافل میں، جرأت آزما پایا

غنچہ پھر لگا کھلنے، آج ہم نے اپنا دل
خوں کیا ہوا دیکھا، گم کیا ہوا پایا

حال دل نہیں معلوم، لیکن اس قدر یعنی
ہم نے بار ہا ڈھونڈھا، تم نے بارہا پایا

شورِ پندِ ناصح نے زخم پر نمک چھڑکا
آپ سے کوئی پوچھے تم نے کیا مزا پایا

شاعر: مرز اغالب

Kehtay Ho Na DenGay ham Dil  Agar Parra Paaya

Dil Kahan Gum Keh Gum Kijiay Ham Nay Mudaa Paaya

Eshq Men Tabeeat Nay Zeest Ka Mazaa Paaya

Dard Ki Dawaa Paai, Dard Be Dawaa Paaya

Dost Daar Dushman Hay, Eitmaad  e  Dil Maloom

Aah Be Asar Dekhi, Naala Narsaa Paaya

Saadgi  o Purkaari , Bekhudi  o Hushyaari

Husn Ko Taghaaful Men Jurat  Aazmaa Paaya

Guncha Phir laga Kilnay, aaj Ham Nay Apna Dil

Khoon Kia Hua Dekha, Gum Kia Hua Paaya

Haal  e  Dil Nahen  Maloom Lekin Iss Qadar , Yaani

Ham Nay Baarha Dhoonda, Tum Nay Baarha Paaya

Shor  e  Pind  e  Naasih  Nay , Zakhm Par Namak Chirrka

Aap Say Koi Poochay , Tum Nay Kia Mazaa Paaya

Poet: Mirza Ghalib