ستائش گر ہے زاہد اس قدر جس باغ رضواں کا
ستائش گر ہے زاہد اس قدر جس باغ رضواں کا
وہ اک گلدستہ ہے ہم بے خودوں کے طاق نسیاں کا
بیاں کیا کیجیے بیداد کاوش ہائے مژگاں کا
کہ ہر یک قطرۂ خوں دانہ ہے تسبیح مرجاں کا
نہ آئی سطوتِ قاتل بھی مانع میرے نالوں کو
لیا دانتوں میں جو تنکا ہوا ریشہ نیستاں کا
دکھاؤں گا تماشا دی اگر فرصت زمانے نے
مرا ہر داغِ دل اک تخم ہے سروِ چراغاں کا
کیا آئینہ خانے کا وہ نقشہ تیرے جلوے نے
کرے جو پرتو ِخورشید عالم شبنمستاں کا
مری تعمیر میں مضمر ہے اک صورت خرابی کی
ہیولیٰ برق خرمن کا ہے خونِ گرم دہقاں کا
اُگا ہے گھر میں ہر سو سبزہ ویرانی تماشا کر
مدار اب کھودنے پر گھاس کے ہے میرے درباں کا
خموشی میں نہاں خوں گشتہ لاکھوں آرزوئیں ہیں
چراغِ مردہ ہوں میں بے زباں گور غریباں کا
ہنوز اک پرتوِ نقش خیالِ یار باقی ہے
دل افسردہ گویا حجرہ ہے یوسف کے زنداں کا
بغل میں غیر کی آج آپ سوتے ہیں کہیں ورنہ
سبب کیا خواب میں آ کر تبسم ہائے پنہاں کا
نہیں معلوم کس کس کا لہو پانی ہوا ہوگا
قیامت ہے سرشک آلودہ ہونا تیری مژگاں کا
نظر میں ہے ہماری جادۂ راہِ فنا غالبؔ
کہ یہ شیرازہ ہے عالم کے اجزائے پریشاں کا
شاعر: مرزاغالب
Sataaish gar Hay Zahid Iss Qdar Jiss Baagh e Rizwaan Ka
WoIk Guldasta Hay , Ham be Khudon K Taaq e Nasyaan Ka
Bayan Ki a Kijiay Bedaad Kavish Haaaey Mzgaan Ka
Keh Ik Qatra e Khoon Daana Hay Tasbeh e Marjaan Ka
Na Aaaee Satwat e Qaatil Bhi Maaney Meray Naalon Ko
Lia Daanton Men Jo Tinka , Hua Resha Neestaan Ka
Dikhaaun Ga Tamaasha Di Agar Fursat Zamaanay Nay
Mira Har Daagh e Dil Ik Tukhm Hay Sarw e Charaghaan Ka
Kia Aaaina Khaanay Ka Wo Naqasha Tiray Jalway Nay
karay Jo Partav e Khursheed , AakamShabnamistaan ka
Miri Tameer Men Muzmir HayIk Soorat Kharaabi Ki
Hualaa Barq e Khirman ka HayKhoon e Garm Dehkaan Ka
Uga Hay Ghar Men Har Su Sabza Veeraani Tamaasha Kar
madaar Ab khodnay Par Khaas K Hay Meray DarbaanKa
Kahmoshi Men Nihaan , Khoon gaashta Laakhon Aarzuen Hen
Charaagh e Murda Hun , Main Be Zubaan Gor e Ghareebaan Ka
Hunoor Ik Partav e Naqsh e khayaal e Yaar Baaqi Hay
Dil e Afsurda , Goya, Hujra Hay YOUSAF K Zindaan Ka
Baghl Men Ghair Ki Aaj Aap Sotay Hen Kahen , Warna
Sabab Kia Khaab Men Aa Kar Tabassum Haaa e Pinhaan Ka
Nahen Maloom kiss Kiss Ka Lahu Paani Hua Ho Ga
Qayaamat Hay , Sar kash Aalood Hona Teri Mizgaan Ga
Nazr Men hay Hamaari jaado e Raah e FFava GHALIB
Keh Yeh Sheeraaza Hay Aalam K Ajzaa e pareshaan Ka
Poet: Mirza Ghalib