دوران پرواز نوجوان لڑکی سے مسافر نے ایک سوال ایسا پوچھ لیا کہ زندگی ہی بدل گئی اور پھر جہاز کے اندر ایسے مناظر جو آپ نے زندگی میں کبھی کسی جہاز میں نہ دیکھے ہوں گے

دوران پرواز نوجوان لڑکی سے مسافر نے ایک سوال ایسا پوچھ لیا کہ زندگی ہی بدل ...
دوران پرواز نوجوان لڑکی سے مسافر نے ایک سوال ایسا پوچھ لیا کہ زندگی ہی بدل گئی اور پھر جہاز کے اندر ایسے مناظر جو آپ نے زندگی میں کبھی کسی جہاز میں نہ دیکھے ہوں گے

  



ویانا(مانیٹرنگ ڈیسک) شادی کا دن ہر شخص کی زندگی کا اہم ترین دن ہوتا ہے اور ہر کوئی مقدور بھر اسے یادگار بنانے کی کوشش کرتا ہے۔ گزشتہ دنوں آسٹریا کے ایک نوجوان نے اپنی شادی کو یادگار بنانے اور اپنی دلہن کو سپرائز دینے کے ایسی جگہ شادی کے لیے منتخب کر لی کہ آپ بھی خوشگوار حیرت میں مبتلا ہو جائیں گے۔ برطانوی اخبار ڈیلی میل کی رپورٹ کے مطابق آسٹریا کا جرگن بوگنر نامی نوجوان اپنی دوست نتھالی ایشے کے ہمراہ ویانا سے یونان کے دارالحکومت ایتھنز کا ہوائی سفر کر رہا تھا۔ نتھالی کے وہم و گمان میں بھی نہ تھا کہ ہوائی جہاز میں آگے کیا ہونے جا رہا ہے، جبکہ جرگن پوری تیاری کے ساتھ آیا تھا۔ جب جہاز 35ہزار فٹ کی بلندی اڑ رہا تھا اس وقت جرگن گھٹنوں کے بل جھکا اور نتھالی کو شادی کی پیشکش کر دی جس پر نتھالی نے بھی شرماتے ہوئے ہاں کہہ دی۔

بھارتی دولہا دلہن نے ’ہوا ‘میں شادی کر کے نیا ریکارڈ بنادیا

رپورٹ کے مطابق نتھالی کے ہاں کہنے کی دیر تھی کہ جرگن نے دلہن کا سفید جوڑا نکال لیا۔ شادی کے جوڑے کو دیکھ کر نتھالی حیران رہ گئی کہ اس کا ہونے والا شوہر تو پوری تیاری کے ساتھ آیا ہوا تھا۔ عروسی جوڑا، پھولوں کے گلدستے، انگوٹھی، شادی کے گواہان اور شادی کی رسم ادا کرنے والا پادری، سب کچھ ساتھ لے کر آیا تھا اور اس نے نتھالی سے یہ سب کچھ خفیہ رکھا تھا۔ نتھالی کے ہاں کہتے ہی جرگن نے اسے عروسی جوڑا تھمایا اور پہن کر آنے کو کہہ دیا۔ وہ دلہن بن گئی اور دیگر مسافر خواتین نے بناﺅ سنگھار میں اس کی مدد کی۔جرگن اور نتھالی دولہا دلہن تھے اور باقی مسافر ان کے باراتی۔آسٹرین ایئرلائنز نے انہیں شادی کا کیک فراہم کیا اور باراتیوں کی ضیافت کا بھی انتظام کیا۔ اس طرح وہ جہاز میں 35ہزار فٹ کی بلندی پر ہی وہ شادی کے بندھن میں بندھ گئے اور ان کا یونان کا دورہ ہنی مون میں تبدیل ہو گیا۔ ایک ساتھی مسافر نے ان کی شادی کی ویڈیو اور تصاویر انٹرنیٹ پر شیئر کی ہیں جو بہت زیادہ دیکھی جا رہی ہیں اور لوگ اس نئے جوڑے کے لیے نیک تمناﺅں کا اظہار کر رہے ہیں۔

مزید : ڈیلی بائیٹس