نذیر چوہان کے جہانگیر ترین گروپ سے علیحدگی کے اعلان پر راجا ریاض بھی میدان میں آ گئے ، برس پڑے 

نذیر چوہان کے جہانگیر ترین گروپ سے علیحدگی کے اعلان پر راجا ریاض بھی میدان ...
نذیر چوہان کے جہانگیر ترین گروپ سے علیحدگی کے اعلان پر راجا ریاض بھی میدان میں آ گئے ، برس پڑے 

  

لاہور(ڈیلی پاکستان آن لائن ) جہانگیر ترین گروپ کے رکن قومی اسمبلی راجا ریاض نے کہا ہے کہ نذیر چوہان کو کوئی زبردستی نہیں لایا تھا وہ اپنی مرضی سے گروپ میں آئے تھے۔

نذیر چوہان کے بیان پر اپنے ردعمل میں راجا ریاض نے کہا نذیرچوہان فیڈر سے دودھ نہیں پیتے جو ہم نے انہیں گمراہ کردیا، وہ جذباتی آدمی ہیں، انہیں منع کیاتھاکہ مذہبی معاملات پربیان بازی نہ کریں۔انہوں نے کہا کہ جیسے ہی نذیر چوہان کی پکڑ ہوئی توگروپ چھوڑکربھاگ گئے، ہم سب جہانگیرترین کی قیادت میں متحد ہیں۔

راجہ ریاض کا کہنا تھا کہ شہزاد اکبر کی وضاحت کے بعد نذیر چوہان کو خاموش رہنے کا مشورہ دیا تھا۔واضح رہے کہ گزشتہ روز پاکستان تحریک انصاف (پی ٹی آئی) کے پنجاب اسمبلی کے رکن نذیر چوہان نے جہانگیر ترین گروپ سے علیحدگی کا اعلان کیا۔نذیر چوہان کا کہنا تھاکہ میرا ترین گروپ سے کوئی تعلق نہیں، جہانگیر ترین نے مجھے استعمال کیا اور مشکل میں مجھے فون کال تک نہیں کی۔انہوں نے کہاجہانگیر ترین نے مجھے اپنے کیس کے لیے استعمال کیا انہیں شرم آنی چاہیے مجھ پر مشکل آئی تو نہ فون کال کی اور نہ ہی ہسپتال آکر حال پوچھا۔

مزید :

اہم خبریں -قومی -