خیبر پختونخوا کابینہ کے اہم وزیر نے وزارت سے استعفیٰ دے دیا
پشاور(ڈیلی پاکستان آ ن لائن ) وزیربلدیات خیبرپختونخوا اکبر ایوب خان نے اپنی وزار ت سے استعفیٰ دے دیا۔ مشیر اطلاعات کامران بنگش کا کہنا ہے کہ وزیر اعلیٰ محمود خان نے اکبرایوب کا استعفیٰ منظور کرلیا ہے۔
نجی ٹی وی دنیا نیوز کے مطابق عہدے سے مستعفی ہونے والے وزیر اکبر ایوب کا کہنا ہے کہ صحت اور حلقہ انتخاب کی مصروفیات کے باعث ذمہ داریاں مزیدجاری نہیں رکھ سکتا، وزارت کے لیے اعتماد پر وزیراعلیٰ محمود خان کا شکرگزار ہوں ۔
دوسر ی جانب کامران بنگش نے بتایا کہ استعفے کی منظوری کے ساتھ اکبرایوب خان کو ڈی نوٹیفائی کر دیا گیاہے۔