چیف جسٹس گلزار احمد نے مندر پر ہونے والے حملے کاازخود نوٹس لے لیا

چیف جسٹس گلزار احمد نے مندر پر ہونے والے حملے کاازخود نوٹس لے لیا
چیف جسٹس گلزار احمد نے مندر پر ہونے والے حملے کاازخود نوٹس لے لیا

  

اسلام آباد(ڈیلی پاکستان آن لائن ) چیف جسٹس آف سپریم کورٹ جسٹس گلزار احمد نے پنجاب کے ضلع رحیم یار خان میں مندر پر ہونے والے حملے کاازخود نوٹس لے لیا۔چیف جسٹس نے ازخود نوٹس چیئرمین ہندو کونسل و رکن قومی اسمبلی ڈاکٹر رمیش کمار سے ملاقات کے بعد لیا۔

نجی ٹی وی ہم نیوز کے مطابق ترجمان سپریم کورٹ کی جانب سے بتایا گیا ہے کہ چیف جسٹس گلزار احمد سے ایم این اے رمیش کمار نے ملاقات کی جس میں گزشتہ روز مندر پر ہونے والے حملے سے متعلق تفصیلی گفتگو کی گئی ۔جسٹس گلزار احمد نے چیف سیکریٹری پنجاب اور آئی جی پنجاب سے رپورٹ طلب کرتے ہوئے معاملہ کل (جمعہ) سماعت کے لئے مقرر کردیا۔

ایم این اے رمیش کمار نے سماجی رابطے کی ویب سائٹ ٹوئٹر پر ازخود نوٹس کے حوالے سے سپریم کورٹ کی پریس ریلیز بھی شیئر کی۔

یاد رہے کہ گزشتہ روزرحیم یار خان کے نواحی علاقے بھونگ میں مشتعل افراد نے ہندو مندر پر حملہ کردیاتھا جس کی ویڈیو فیس بک پر لائیو نشر کی جاتی رہی ، وزیر اعظم عمران خان نے واقعے کا نوٹس لیتے ہوئے تحقیقات کا حکم دیا تھا۔

مزید :

اہم خبریں -قومی -