چین کا افریقہ میں 60 ارب ڈالر کی سرمایہ کاری کا اعلان

چین کا افریقہ میں 60 ارب ڈالر کی سرمایہ کاری کا اعلان
چین کا افریقہ میں 60 ارب ڈالر کی سرمایہ کاری کا اعلان

  


جوہانسبرگ/بیجنگ (آئی این پی)چین نے اعلان کیا ہے کہ وہ براعظم افریقہ میں ترقیاتی منصوبوں کے لیے 60 ارب ڈالر مالیت کی معاونت اور قرضے فراہم کرے گا۔چین کے صدر شی جن پنگ کا کہنا ہے کہ اس پیکج میں بلا سود قرضے، وظائف اور ہزاروں افریقیوں کے لیے تربیت شامل ہے۔چین کے صدر نے یہ اعلان جوہانسبرگ میں افریقہ اور چین کے درمیان ہونے والے ایک اجلاس کے دوران کیا۔شی جن پنگ نے 35 افریقی رہنماو¿ں سے خطاب میں کہا کہ افریقہ کی مسلسل ترقی کو روکا نہیں جا سکتا۔اجلاس کے شریک میزبان جنوبی افریقہ کے صدر جیکب زوما نے افریقہ اور چین کی گہری دوستی کو خوش آئند قرار دیا۔انہوں نے کہا کہ چین افریقہ کا سب سے بڑا تجارتی شریک بن گیا ہے، افریقہ چین کی برآمدات کے بڑے خریداروں میں شامل ہے اور چین کا دنیا میں چوتھا بڑا سرمایہ کاری کا مرکز ہے۔‘یہ دو روزہ اجلاس ایسا دوسرا موقع ہے جب چین نے افریقی رہنماو¿ں کو اکٹھا کیا ہے۔چین کے سرکاری ادارے کے مطابق تین سالہ تعاون میں دس مختلف شعبوں میں کام کیا جائے گا جن میں صنعت کاری، زراعت میں جدت، معاشی خدمات، ماحولیاتی ترقی، امن اور سلامتی شامل ہیں۔چین کے صدر کا کہنا تھا کہ یہ ان کا مجموعی طور پر افریقہ کا ساتواں جبکہ بحیثیت چینی صدر دوسرا دورہ ہے اور اس دوران انھوں نے وہاں ترقی اور تبدیلی دیکھی ہے

مزید : بزنس