اسحاق ڈار کے ہارڈ ٹاک کیلئے انٹرویو پرسوشل میڈیا صارفین کا طنز لیکن اب وزیراعظم عمران خان کا کس نے انٹرویو کرلیا؟ یقین کرنا مشکل
اسلام آباد (ڈیلی پاکستان آن لائن) سابق وزیرخزانہ اسحاق ڈار نے بی بی سی کے پروگرام ہارڈ ٹاک کے لیے انٹرویو دیا تھا جو کئی دن پاکستانی سوشل میڈیا پر چھایا رہا اور اس پرسیاستدانوں کے بیانات بھی آتے رہے لیکن اب وزیراعظم عمران خان نے بھی شوبز چھوڑنے کا اعلان کرنیوالے اداکار حمزہ علی عباسی کو بھی انٹرویو دیا جو نجی ٹی وی چینل پر نشر ہوگا۔
پاکستان تحریک انصاف کے آفیشل اکائونٹ سے وزیراعظم عمران خان اور حمزہ علی عباسی کی تصویر شیئرکرتے ہوئے لکھاگیا " وزیراعظم عمران خان حمزہ علی عباسی کیساتھ گفتگو کرتے ہوئے"تاہم مزید کوئی تفصیلات فراہم نہیں کی گئیں۔
View this post on Instagram
ادھر گزشتہ شام وزیراعظم آفس کی طرف سے عمران خان اور حمزہ علی عباسی کی تصویر پر مبنی پوسٹر شیئرکرتے ہوئے بتایا کہ ہفتے کی شام ساڑھے سات بجے وزیراعظم عمران خان کی عباسی کے ساتھ گفتگو دیکھیے ۔
Watch Prime Minister @ImranKhanPTI in conversation with Hamza Ali Abbasi tomorrow night at 7:30 PM. pic.twitter.com/7wMSmTXlOo
— Prime Minister's Office, Pakistan (@PakPMO) December 4, 2020
جیونیوز کے مطابق حمزہ علی عباسی کوئی نیا پراجیکٹ ابھی سائن نہیں کررہے اور وہ ایک کتاب بھی لکھ رہے ہیں، جو جون 2021ء مارکیٹ میں آنے کیلئے تیار ہوگی ۔یہاں یہ امر بھی قابل ذکر ہے کہ تحریک انصاف کے کئی وزراء نے اسحاق ڈار کے انٹرویر پرطنز کیا اور وزیر ریلوے شیخ رشید احمد نے بھی کہا تھا کہ اسحاق ڈار بہت سستا ہوگیا، جو چیز سستی ہوجائے ،ا س پر شیخ رشید تبصرہ نہیں کرتا۔
