ایک انجن والا مسافر بردار طیارہ پیراگوئے میں گر کر تباہ ، ہلاکتیں
اسونسیون (ویب ڈیسک) پیراگوئے میں ایک انجن والا مسافر بردار طیارہ گر کر تباہ ہونے سے پائلٹ سمیت 3 افراد ہلاک ہوگئے۔
ایکسپریس نیوز کے مطابق پیراگوئے کے شمال مغربی علاقے میں ایک انجن والا طیارہ پرواز بھرتے ہی ہچکولے کھاتے ہوئے زمین بوس ہوگیا۔ زمین پر گرتے ہی طیارے میں آگ بھڑک اُٹھی۔فائر بریگیڈ کے عملے نے ایک گھنٹے کی کوشش کے بعد آگ پر قابو پالیا۔ طیارے کے ملبے سے تین لاشیں نکالی گئی ہیں۔ ہلاک ہونے والوں میں ایک خاتون بھی شامل ہیں۔
Paraguay: Single-engine plane crashes in Paraguay leaving 3 people dead . AsuncionThree people have died as a result of a crash of a Cessna 185 single-engine plane in north western Paraguay , media reported. According to the Ultima Hora newspaper, two victims are US citizens pic.twitter.com/cqFlRVwiZw
— World News 24 (@DailyWorld24) December 4, 2021
ریسکیو ادارے کے ترجمان کا کہنا ہے کہ ہلاک ہونے والوں میں 2 امریکی شہری ہیں تاہم ان کی شناخت ظاہر نہیں کی گئی جب کہ ایک خاتون کی شناخت کا عمل ابھی جاری ہے۔ایوی ایشن کے ترجمان نے میڈیا کو بتایا کہ جہاز کی ملکیت اور منزل سے متعلق ابھی معلومات جمع کی جارہی ہیں۔ حادثے کی وجہ کا تاحال تعین نہیں کیا جا سکا ہے تاہم ایک انکوائری کمیٹی تشکیل دیدی گئی ہے۔
