مہلک کورونا وائرس سے اموات میں کمی آنے لگی ، گزشتہ 24 گھنٹوں میں 6 افراد جاں بحق

مہلک کورونا وائرس سے اموات میں کمی آنے لگی ، گزشتہ 24 گھنٹوں میں 6 افراد جاں بحق
مہلک کورونا وائرس سے اموات میں کمی آنے لگی ، گزشتہ 24 گھنٹوں میں 6 افراد جاں بحق

  

اسلام آباد ( ڈیلی پاکستان آن لائن ) پاکستان میں مہلک کورونا وائرس کے باعث اموات میں کمی آ رہی ہے ، گزشتہ 24 گھنٹوں میں  6 افراد کی اموات کے بعد  مجموعی طور پر 28 ہزار 767 پاکستانی کورونا کے باعث دم توڑ چکے ہیں ۔

نیشنل کمانڈ اینڈ آپریشن سینٹر ( این سی او سی ) کے مطابق  گزشتہ 24 گھنٹوں میں نئے 372 کیسز سامنے آئے ہیں ، پاکستان میں کورونا  سے متاثر ہونے والوں کی مجموعی تعداد 12 لاکھ 86 ہزار 825 تک پہنچ گئی ہے ، ملک بھر میں  12 ہزار 452 ایکٹو کیسز ہیں ۔

سندھ کورونا سے متاثر سب سے بڑا صوبہ ہے جہاں چار لاکھ 76 ہزار 674 افراد میں کورونا وائرس پایا گیا ، سات ہزار 626 افراد کا انتقال ہوا جبکہ چھ ہزار 277 اب بھی زیر علاج ہیں ۔

پنجاب کورونا سے متاثر دوسرا بڑا صوبہ مگر اموات کے لحاظ سے پہلے نمبر پر ہے ، پنجاب میں 13 ہزار 37 افراد کورونا کے باعث انتقال کر چکے ہیں ،  پانچ ہزار 21 اب بھی ہسپتالوں میں علاج کرا رہے ہیں ۔

خیبرپختونخوا میں ایک لاکھ 80 ہزار 316افراد کورونا سے متاثر ہوئے ، پانچ ہزار 585 کی اموات ہوئیں جبکہ 719 موت و حیات کی کشمکش میں مبتلا ہیں ۔ 

این سی او سی کے مطابق وفاقی دارالحکومت اسلام آباد میں  ایک لاکھ سات ہزار 887 افراد میں کورونا کی تصدیق ہوئی ،  958 کا انتقال ہوا جبکہ 344 مریض اب بھی موجود ہیں ۔

گلگت بلتستان میں دس ہزار 413 افراد کورونا سے متاثر ہوئے ، 360 افراد مہلک وائرس کا مقابلہ نہ کر پائے اور زندگی کی جنگ ہار گئے گلگت میں کورونا کے تین ایکٹو کیسز ہیں ۔

بلوچستان میں 33 ہزار 506 افراد میں کورونا کی تشخیص ہوئی  جن میں سے 53 زیر علاج ہیں ۔ بلوچستان میں  کورونا وائرس نے 360 افراد کی زندگیاں نگلیں ۔

ریاست آزاد جموں و کشمیر  میں 34 ہزار 576 افراد مہلک وائرس کا شکار ہوئے ، 742 مہلک وائرس کی بھینٹ چڑھے جبکہ 33 ہزار 799 نے مہلک وائرس کو شکست دی ، آزاد جموں و کشمیر میں 35 افراد تاحال موت و حیات کی کشمکش میں مبتلا ہیں ۔ 

مزید :

کورونا وائرس -